چہرہ فتنہ وبال آنکھیں ہیں — زبیر قلزم
شاعر
چہرہ فتنہ وبال آنکھیں ہیں
چہرہ فتنہ وبال آنکھیں ہیں
ہائے کتنی کمال آنکھیں ہیں
نہ ستارے کہو نہ موتی کہو
وہ میاں بے مثال آنکھیں ہیں
ان کی معصومیت پہ مت جانا
وجہ جدل و قتال آنکھیں ہیں
میں کوئی بات بھی کروں کیسے
اک نظر سو سوال آنکھیں ہیں
ہم پہ واجب ہے رقص کرنا اب
ہم نے دیکھی دھمال آنکھیں ہیں
کیا بتاؤں میں خال و خد اس کے
اس کا سارا جمال آنکھیں ہیں
یہ طبیبوں کے بس کی بات نہیں
وہ طبیعت بحال آنکھیں ہیں
ہم نے مانا شکاری ہو قلزم
بچ کے رہنا وہ جال آنکھیں ہیں
Chehra fitna o wabaal aankhein hain
Chehra fitna o wabaal aankhein hain
Haaye kitni kamaal aankhein hain
Na sitare kaho na moti kaho
Woh miyan be-misaal aankhein hain
In ki masoomiyat pe mat jaana
Wajah-e-jadal o qitaal aankhein hain
Main koi baat bhi karoon kaise
Ek nazar sau sawaal aankhein hain
Hum pe wajib hai raqs karna ab
Hum ne dekhi dhamaal aankhein hain
Kya bataun main khaal o khad us ke
Us ka saara jamaal aankhein hain
Yeh tabeebon ke bas ki baat nahin
Woh tabiyat bahaal aankhein hain
Hum ne maana shikaari ho Qulzam
Bach ke rehna woh jaal aankhein hain
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں