اس لئے ذکر غم کیا ہی نہیں — زبیر قلزم
شاعر
اس لئے ذکر غم کیا ہی نہیں
اس لئے ذکر غم کیا ہی نہیں
آدمی آدمی رہا ہی نہیں
آ مجھے پھر سے چھوڑ کر تو جا
تیرے اب ہجر میں مزہ ہی نہیں
ہجر ہو، مفلسی ہو ، کہ ہو دغا
کوئی غم خیر سے بچا ہی نہیں
دشمن جان پیار سے جاں مانگ
ایسے تو میں کبھی دبا ہی نہیں
آگ ایسی لگائی مرنے تک
دل یہ جلتا رہا بجھا ہی نہیں
آس کیا رکھتا اچھے وقت کی میں
کہ برا وقت تو ٹلا ہی نہیں
جھریاں یا سفید بال دکھے
آئینے میں میں تو دکھا ہی نہیں
ایک اک کونہ گھر کا دیکھ لیا
پر میں خود کو کہیں ملا ہی نہیں
وہ تھا ماہر بچھڑنے میں قلزم
بے وفا وہ مجھے لگا ہی نہیں
Is liye zikr-e-gham kiya hi nahin
Is liye zikr-e-gham kiya hi nahin
Aadmi aadmi raha hi nahin
Aa mujhe phir se chhod kar tu jaa
Tere ab hijr mein maza hi nahin
Hijr ho, muflisi ho, ke ho dagha
Koi gham khair se bacha hi nahin
Dushman-e-jaan pyaar se jaan maang
Aise to main kabhi daba hi nahin
Aag aisi lagayi marne tak
Dil yeh jalta raha bujha hi nahin
Aas kya rakhta ache waqt ki main
Ke bura waqt to tala hi nahin
Jhurriyaan ya safed baal dikhe
Aaine mein main to dikha hi nahin
Ek ek kona ghar ka dekh liya
Par main khud ko kahin mila hi nahin
Woh tha mahir bichhadne mein Qulzam
Bewafa woh mujhe laga hi nahin
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں