خواب کیسے دکھا گیا مجھ کو — زبیر قلزم
شاعر
خواب کیسے دکھا گیا مجھ کو
خواب کیسے دکھا گیا مجھ کو
نیند سے ہی ڈرا گیا مجھ کو
ساتھ راتیں گزارنے والا
دن میں تارے دکھا گیا مجھ کو
میں سمجھ دار لڑکا کنبے کا
کیسے پاگل بنا گیا مجھ کو
یہ جوانی مری کہاں ہے ڈھلی
یہ تو بس ہجر کھا گیا مجھ کو
آئینہ تک ہنسا ہے مجھ پہ آج
وہ تماشہ بنا گیا مجھ کو
آپ رکھ لیں یہ زندگی باقی
کوئی زندہ جلا گیا مجھ کو
پھر تماشہ تمہارا بھی ہو گا
جب کبھی صبر آ گیا مجھ کو
رات بھی ساتھ بیٹھی ہے میرے
وہ جہاں پر بٹھا گیا مجھ کو
Khwab kaise dikha gaya mujh ko
Khwab kaise dikha gaya mujh ko
Neend se hi dara gaya mujh ko
Saath raatein guzarne wala
Din me taare dikha gaya mujh ko
Main samajhdar ladka kunbe ka
Kaise pagal bana gaya mujh ko
Ye jawani meri kahan hai dhali
Ye to bas hijr kha gaya mujh ko
Aaina tak hansa hai mujh pe aaj
Wo tamasha bana gaya mujh ko
Aap rakh lein ye zindagi baqi
Koi zinda jala gaya mujh ko
Phir tamasha tumhara bhi hoga
Jab kabhi sabr aa gaya mujh ko
Raat bhi saath baithi hai mere
Wo jahan par baitha gaya mujh ko
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں