میری آواز صدا سے خالی — زبیر قلزم
شاعر
میری آواز صدا سے خالی
میری آواز صدا سے خالی
کہ ہتھیلی ہے دعا سے خالی
میری ماں مجھ کو دعا دیتی ہے
اور مرے ہاتھ دوا سے خالی
چل رہا ہے یوں نظام دنیا
جیسے دنیا ہو خدا سے خالی
کون جانے کیوں دیے سہمے ہیں
جب کہ بستی ہے ہوا سے خالی
زندگی تیری عطا تھی مالک
کی بسر تیری عطا سے خالی
وہ محبت بھی نبھائی ہم نے
جو محبت تھی وفا سے خالی
یوں نہ نگران فرشتے ہوتے
ہم اگر ہوتے خطا سے خالی
کس پہ ہم جان لٹائیں قلزم
حسن والے ہیں ادا سے خالی
Meri aawaz sada se khaali
Meri aawaz sada se khaali
Ke hatheli hai dua se khaali
Meri maa mujh ko dua deti hai
Aur mere haath dawa se khaali
Chal raha hai yun nizaam-e-duniya
Jaise duniya ho Khuda se khaali
Kaun jaane kyun diye sehme hain
Jab ke basti hai hawa se khaali
Zindagi teri ataa thi Malik
Ki basar teri ataa se khaali
Woh mohabbat bhi nibhai hum ne
Jo mohabbat thi wafa se khaali
Yun na nigehbaan farishte hote
Hum agar hote khata se khaali
Kis pe hum jaan lutaein Qulzum
Husn wale hain ada se khaali
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں