مجھ کو اپنے گمان کا دکھ ہے — زبیر قلزم
شاعر
مجھ کو اپنے گمان کا دکھ ہے
مجھ کو اپنے گمان کا دکھ ہے
یعنی سارے جہان کا دکھ ہے
بارشوں کی خوشی ہے ایک طرف
اپنے کچے مکان کا دکھ ہے
عشق گرد سفر رہا لیکن
جو ہوئی اس تھکان کا دکھ ہے
یہ محبت دلوں کا سودا تھا
جو دیا اس لگان کا دکھ ہے
عمر ہے پالوں دکھ محبت کا
اور مجھے خاندان کا دکھ ہے
عشق یہ تم نے کیسے مارا اسے
مرنے والے کی شان کا دکھ
تم نہیں بانٹ سکتے مرا دکھ
یار یہ ٹوٹے مان کا دکھ ہے
تیری خاطر جلایا تھا جو ہاتھ
ٹھیک ہے بس نشان کا دکھ ہے
جس میں نقصان تک نہ ہو قلزم
ہائے ایسی دکان کا دکھ ہے
Mujh ko apne gumaan ka dukh hai
Mujh ko apne gumaan ka dukh hai
Yaani saare jahaan ka dukh hai
Baarishon ki khushi hai ek taraf
Apne kachche makaan ka dukh hai
Ishq gard-e-safar raha lekin
Jo hui us thakaan ka dukh hai
Yeh mohabbat dilon ka sauda tha
Jo diya us lagaan ka dukh hai
Umar hai paalo dukh mohabbat ka
Aur mujhe khaandaan ka dukh hai
Ishq yeh tum ne kaise maara usay
Marne waale ki shaan ka dukh
Tum nahin baant sakte mera dukh
Yaar yeh toote maan ka dukh hai
Teri khaatir jalaya tha jo haath
Theek hai bas nishaan ka dukh hai
Jis mein nuqsaan tak na ho Qulzam
Haaye aisi dukaan ka dukh hai
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں