پھر گلہ یہ ہے جوابات غلط — زبیر قلزم
شاعر
پھر گلہ یہ ہے جوابات غلط
پھر گلہ یہ ہے جوابات غلط
جب کے کرتے ہو سوالات غلط
مفلسی ایک ترے ہونے سے
اپنے سارے ہیں کمالات غلط
وہ سہیلی کو دعا دے رہی تھی
تیرے گھر آئے نہ بارات غلط
ہجر نے آن لیا وصل کی شب
یوں ہوئیں ہم پہ کرامات غلط
شوق سے کھائیں ہمارا حق آپ
آپ کو مل گئے درجات غلط
ان کو بس عیب نظر آتے ہیں
جن کے ہوتے ہیں خیالات غلط
رات کو نیند نہ دن کو ہے قرار
اپنے تو جیسے ہوں دن رات غلط
جیت پر اپنی جو خوش آپ نہیں
آپ نے دی ہے ہمیں مات غلط
رحمتوں سے تو نہیں گرتے چھت
میرے چھت پر ہوئی برسات غلط
Phir gila yeh hai jawabaat ghalat
Phir gila yeh hai jawabaat ghalat
Jab ke karte ho sawalaat ghalat
Muflisi ek tere hone se
Apne saare hain kamaalaat ghalat
Woh saheli ko dua de rahi thi
Tere ghar aaye na baraat ghalat
Hijr ne aan liya wasl ki shab
Yun huin hum pe karamaat ghalat
Shauq se khaayen hamara haq aap
Aap ko mil gaye darjaat ghalat
Un ko bas aib nazar aate hain
Jin ke hote hain khayalaat ghalat
Raat ko neend na din ko hai qaraar
Apne to jaise hon din raat ghalat
Jeet par apni jo khush aap nahin
Aap ne di hai humein maat ghalat
Rehmton se to nahin girte chhat
Mere chhat par hui barsaat ghalat
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں