شوق اپنے سبھی نرالے ہیں — زبیر قلزم
شاعر
شوق اپنے سبھی نرالے ہیں
شوق اپنے سبھی نرالے ہیں
سانپ خود آستیں میں پالے ہیں
چار پیسے لگیں غریب کے ہاتھ
اس طرح غم ترے سنبھالے ہیں
تم مکیں تو نہیں ہو قبروں کے
کیوں زباں پر پڑے یہ تالے ہیں
ہو رہے سب عیاشیوں کی ہی نذر
میرے بچوں کے جو نوالے ہیں
تیرے دل میں جگہ کہاں پاتے
ہم وہ جنت سے جو نکالے ہیں
اس تری چپ پہ آسماں والے
بد گماں ہم زمین والے ہیں
روشنی سے مہک بھی آئے گی
خوں جلا کر کیے اجالے ہیں
Shauq apne sabhi nirale hain
Shauq apne sabhi nirale hain
Saanp khud aasteen me paale hain
Chaar paise lagein ghareeb ke haath
Is tarah gham tere sanbhale hain
Tum makeen to nahi ho qabron ke
Kyon zaban par pade ye taale hain
Ho rahe sab ayyashiyon ki hi nazar
Mere bachchon ke jo niwale hain
Tere dil me jagah kahan paate
Ham wo jannat se jo nikale hain
Is teri chup pe aasmaan wale
Bad-gumaan hum zameen wale hain
Roshni se mehak bhi aayegi
Khoon jala kar kiye ujaale hain
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں