خضر راہ — آواز: ایمان | شاعر: علامہ اقبال

خضر راہ

Shair
Sahil-e-darya pe main ik raat tha mahv-e-nazar
Gosha-e-dil mein chhupaye ik jahan iztirab
Shab sukoot afza hua aasoode darya narm sair
Thi nazar hairaan ke yeh darya hai ya tasveer-e-aab
Jaise gahware mein so jata hai tifl-e-sheer khwar
Mauj-e-muztar thi kahin gahraiyon mein mast-e-khwab
Raat ke afsoon se taair aashiyanon mein aseer
Anjum kum zau giraftar-e-tilism-e-mahtab
Dekhta kya hoon ke woh paike jahan paima Khizr
Jis ki peeri mein hai manind-e-sehar rang-e-shabaab
Keh raha hai mujh se aye joya-e-asrar-e-azal
Chashm-e-dil wa ho toh hai taqdeer-e-alam be hijaab
Dil mein yeh sun kar bapa hangama-e-mahshar hua
Main shaheed-e-justajoo tha yun sukhan guzar hua
Aye teri chashm-e-jahan-been par woh toofaan aashkaar
Jin ke hangame abhi darya mein sote hain khamoosh
Kashti-e-miskeen o jaan-e-paak o deewar-e-yateem
Ilm-e-Moosa bhi hai tere saamne hairat faroosh
Chhod kar aabadiyan rehta hai tu sehra naward
Zindagi teri hai be roz o shab o farda o dosh
Zindagi ka raaz kya hai saltanat kya cheez hai
Aur yeh sarmaya o mehnat mein hai kaisa kharosh
Ho raha hai Asia ka khirqa-e-deereena chaak
Naujawan aqwaam-e-nau daulat ke hain paira-e-posh
Garcha Iskandar raha mehroom-e-aab-e-zindagi
Fitrat-e-Iskandari ab tak hai garm-e-nao nosh
Bechta hai Hashmi namoos-e-deen-e-Mustafa
Khaak o khoon mein mil raha hai Turakman-e-sakht kosh
Aag hai aulaad-e-Ibrahim hai Namrood hai
Kya kisi ko phir kisi ka imtehaan maqsood hai
Jawaab-e-Khizr
Sehra Nawardi
Kyun ta'ajjub hai meri sehra nawardi par tujhe
Yeh tagaa pooye damadam zindagi ki hai daleel
Aye raheene khana tu ne woh samaan dekha nahin
Goonjti hai jab fiza-e-dasht mein baang-e-raheel
Reet ke teele pe woh aahoo ka be parwa khiraam
Woh hazar be barg o saamaan woh safar be sang o meel
Woh namood-e-akhtar-e-seemaab pa hangaam-e-subah
Ya numayan baam-e-gardoon se jabeen-e-Jibreel
Woh sukoot-e-shaam-e-sehra mein ghuroob-e-aaftaab
Jis se roshan tar hui chashm-e-jahan-been-e-Khaleel
Aur woh paani ke chashme par maqam-e-karwan
Ahl-e-eemaan jis tarah jannat mein gard-e-salsabeel
Taza veerane ki saudaa-e-mohabbat ko talaash
Aur aabadi mein tu zanjeeri-e-kisht o nakheel
Pukhta tar hai gardish-e-paiham se jaam-e-zindagi
Hai yahi aye bekhabar raaz-e-dawaam-e-zindagi
Zindagi
Bartar az andeesha-e-sood o ziyan hai zindagi
Hai kabhi jaan aur kabhi tasleem-e-jaan hai zindagi
Tu ise paimana-e-imroz o farda se na naap
Jaavedaan paiham dawaan har dam jawaan hai zindagi
Apni duniya aap paida kar agar zindon mein hai
Sirr-e-Adam hai zameer-e-kun fakaan hai zindagi
Zindagani ki haqeeqat koh-kan ke dil se poochh
Joo-e-sheer o tesha o sang-e-giraan hai zindagi
Bandagi mein ghat ke reh jaati hai ik joo-e-kum aab
Aur aazaadi mein beheer-e-bekaraan hai zindagi
Aashkara hai yeh apni quwwat-e-taskheer se
Garcha ik mitti ke paikar mein nihaan hai zindagi
Qulzam-e-hasti se tu ubhra hai manind-e-habab
Is ziyan khane mein tera imtehaan hai zindagi
Khaam hai jab tak tu hai mitti ka ik ambaar tu
Pukhta ho jaaye toh hai shamshir-e-be-zanhaar tu
Ho sadaaqat ke liye jis dil mein marne ki tadap
Pehle apne paikar-e-khaaki mein jaan paida kare
Phoonk daale yeh zameen o aasmaan-e-musta'aar
Aur khaakistar se aap apna jahan paida kare
Zindagi ki quwwat-e-pinhaan ko kar de aashkaar
Ta yeh chingaari farogh-e-jaavedaan paida kare
Khaak-e-Mashriq par chamak jaaye misaal-e-aaftaab
Ta Badakhshan phir wahi la'al-e-giraan paida kare
Sooye gardoon nala-e-shabgeer ka bheje safeer
Raat ke taaron mein apne raazdaan paida kare
Yeh ghadi mahshar ki hai tu arsa-e-mahshar mein hai
Pesh kar ghafil amal koi agar daftar mein hai
Saltanat
Aa bataon tujh ko ramz-e-aaya-e-inna-l-mulook
Saltanat aqwaam-e-ghaalib ki hai ik jaadugari
Khwab se bedaar hota hai zara mehkoom agar
Phir sula deti hai us ko hukmraan ki saahiri
Jaadoo-e-Mahmood ki taaseer se chashm-e-Ayaz
Dekhti hai halqa-e-gardan mein saaz-e-dilbari
Khoon-e-Israel aa jata hai aakhir josh mein
Tod deta hai koi Moosa tilism-e-Saamri
Sarwari zeba faqat us zaat-e-be-hamta ko hai
Hukmraan hai ik wahi baaqi butaan-e-Azari
Az ghulami fitrat-e-azaad ra ruswa makun
Ta tarashi Khwaja az Brahman kaafir tari
Hai wahi saaz-e-kuhan Maghrib ka jamhoori nizaam
Jis ke pardon mein nahin ghair az nawa-e-Qaisari
Dev-e-istibdad jamhoori qaba mein paaye kob
Tu samajhta hai yeh aazadi ki hai neelam pari
Majlis-e-aaeen o islah o ra'aayaat o huqooq
Tab'e Maghrib mein maze meethe asar khwab-aawari
Garmi-e-guftaar a'za-e-majalis al-amaan
Yeh bhi ik sarmaya daron ki hai jang-e-zargari
Is saraab-e-rang o boo ko gulistan samjha hai tu
Aah aye nadan qafas ko aashiyan samjha hai tu
Sarmaya o Mehnat
Banda-e-mazdoor ko ja kar mera paigham de
Khizr ka paigham kya hai yeh payam-e-kainaat
Aye ke tujh ko kha gaya sarmaya-e-daar-e-heela gar
Shaakh-e-aahoo par rahi sadiyon talak teri baraat
Dast-e-daulat aafreen ko muzd yun milti rahi
Ahl-e-sarwat jaise dete hain ghareebon ko zakaat
Saahir-ul-maut ne tujh ko diya barg-e-hasheesh
Aur tu aye bekhabar samjha ise shaakh-e-nabaat
Nasl-e-qaumiyat kalisa saltanat tehzeeb-e-rang
Khwajagi ne khoob chun chun ke banaye muskiraat
Kat mara nadan khayali devtaon ke liye
Sakar ki lazzat mein tu lutwaya gaya naqd-e-hayat
Makr ki chalon se baazi le gaya sarmaya dar
Intiha-e-saadgi se kha gaya mazdoor maat
Uth ke ab bazm-e-jahan ka aur hi andaaz hai
Mashriq o Maghrib mein tere daur ka aaghaz hai
Himmat-e-aali toh darya bhi nahin karti qabool
Ghunche sa nadan tere daaman mein shabnam kab talak
Naghma-e-bedari-e-jumhoor hai samaan-e-aish
Qissa-e-khwab aawar Iskandar o Jam kab talak
Aaftaab-e-taza paida batn-e-geeti se hua
Aasmaan doobe hue taaron ka matam kab talak
Tod daalein fitrat-e-insaan ne zanjeerein tamam
Doori-e-jannat se roti chashm-e-Adam kab talak
Baghbaan-e-charah farma se yeh kehti hai bahar
Zakhm-e-gul ke waaste tadbeer-e-marham kab talak
Karmak-e-nadan tawaaf-e-shama se aazaad ho
Apni fitrat ke tajalli zaar mein aabaad ho
Duniya-e-Islam
Kya sunata hai mujhe Turak o Arab ki daastan
Mujh se kuch pinhaan nahin Islami'on ka soz o saaz
Le gaye taslees ke farzand meeras-e-Khaleel
Khisht-e-bunyaad-e-kalisa ban gayi khaak-e-Hijaz
Ho gayi ruswa zamane mein kulaah-e-laala rang
Jo saraapa naaz the hain aaj majboor-e-niyaz
Le raha hai may faroshan-e-Farangistan se Paaras
Woh may-e-sarkash haraarat jis ki hai meena-gudaaz
Hikmat-e-Maghrib se millat ki yeh kaifiyat hui
Tukde tukde jis tarah sone ko kar deta hai gaaz
Ho gaya manind-e-aab arzaan Musalman ka lahoo
Muztarib hai tu ke tera dil nahin daana-e-raaz
Guft-e-Rumi har banaaye kohna kaabaadaan kunand
Mi nadani awwal aan bunyaad ra veeran kunand
Mulk haathon se gaya millat ki aankhen khul gayin
Haq tera chashme ata kar dast-e-ghafil dar nagar
Momiyai ki gadai se toh behtar hai shikast
Moor-e-be-par haajaten pesh-e-Sulaiman-e-mabar
Rabt o zabt-e-millat-e-baiza hai Mashriq ki nijaat
Asia wale hain is nukte se ab tak bekhabar
Phir siyasat chhod kar daakhil-e-hisaar-e-deen mein ho
Mulk o daulat hai faqat hifz-e-haram ka ik samar
Ek hon Muslim haram ki paasbaani ke liye
Neel ke saahil se le kar ta ba-khaak-e-Kashghar
Jo kare ga imtiaz-e-rang o khoon mit jaayega
Turak-e-khargahi ho ya A'arabi-e-wala gohar
Nasl agar Muslim ki mazhab par muqaddam ho gayi
Ud gaya duniya se tu manind-e-khaak-e-reh-guzar
Ta khilafat ki bina duniya mein ho phir ustuwar
La kahin se dhoond kar aslaf ka qalb o jigar
Aye ke nashinaasi khafi ra az jali hoshiyar baash
Aye giraftar-e-Abu Bakr o Ali hoshiyar baash
Ishq ko faryaad lazim thi so woh bhi ho chuki
Ab zara dil thaam kar faryaad ki taaseer dekh
Tu ne dekha satwat-e-raftar-e-darya ka urooj
Mauj-e-muztar kis tarah banti hai ab zanjeer dekh
Aam hurriyat ka jo dekha tha khwab Islam ne
Aye Musalman aaj tu is khwab ki ta'abeer dekh
Apni khaakistar samandar ko hai samaan-e-wajood
Mar ke phir hota hai paida yeh jahan-e-peer dekh
Khol kar aankhen mere aaina-e-guftaar mein
Aane wale daur ki dhundli si ik tasveer dekh
Aazmooda fitna hai ik aur bhi gardoon ke paas
Saamne taqdeer ke ruswai-e-tadbeer dekh
Muslim asti seena ra az aarzoo aabaad daar
Har zaman pesh-e-nazar la yakhlif-ul-mi'aad daar