ہر اک رہ رو، ہر اک رہ گیر کو زنجیر کیا کرنا — آواز: ایمان | شاعر: اعتبارساجد
مقرر / سپیکر
ہر اک رہ رو، ہر اک رہ گیر کو زنجیر کیا کرنا
ہر اِک رہ رو، ہر اِک رہ گیر کو زنجیر کیا کرنا
اَنا کے نام پر ہر شخص کو تسخِیر کیا کرنا
خبر اُس گھر کی بھی لینی ہے، جس کی چھت شکستہ ہے
فقط خوابوں میں اِک قصرِ حسیں تعمیر کیا کرنا
بہت کافی ہے، سُن لیتی ہیں دیواریں مرے دُکھڑے
سُنا کر حالِ دل ہر شخص کو دِلگیر کیا کرنا
ہمیشہ جس کو عزت دی، سر آنکھوں پر بٹھایا ہے
ذرا سی بات پر اب اُس کو بےتوقیر کیا کرنا
اِسی کٹیا میں رہنا ہے، ابھی کُھل جائیں گی آنکھیں
تو پھر لے کر تمہارے خواب کی جاگیر کیا کرنا
وہی رکھنی ہے آشفتہ سَری جو اُن کی قسمت تھی
وفا میں کام کوئی بھی خلافِ میر کیا کرنا
شاعر: اعتبارساجد
آواز: ایمان
ہر اک رہ رو، ہر اک رہ گیر کو زنجیر کیا کرنا
Har ik rah-rau, har ik rah-geer ko zanjeer kya karna
Ana ke naam par har shakhs ko taskheer kya karna
Khabar us ghar ki bhi leni hai, jis ki chhat shikasta hai
Faqat khwabon mein ik qasr-e-haseen ta'meer kya karna
Bohat kaafi hai, sun leti hain deewaren mere dukhde
Suna kar haal-e-dil har shakhs ko dilgeer kya karna
Hamesha jis ko izzat di, sar aankhon par bithaya hai
Zara si baat par ab us ko be-tauqeer kya karna
Isi kutiya mein rehna hai, abhi khul jaayengi aankhen
To phir le kar tumhare khwab ki jaageer kya karna
Wahi rakhni hai aashufta-sari jo un ki qismat thi
Wafa mein kaam koi bhi khilaf-e-meer kya karna
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں