عاشقوں سے ناروا ہے ہے وفائی آپ کی — آواز: ایمان | شاعر: حسرت موہانی
مقرر / سپیکر
عاشقوں سے ناروا ہے ہے وفائی آپ کی
عاشقوں سے ناروا ہے ہے وفائی آپ کی
حد سے بڑھ جائے نہ شان کج ادائی آپ کی
آرزو کے دل پہ آئیں گی نہ کیا کیا آفتیں
در پیے انکار ہے ناآشنائی آپ کی
خوبرو ہیں آپ مانا ہم نے پھر بھی اس قدر
دیکھیے اچھی نہیں ہے خود ستائی آپ کی
رہ گئی اہل ہوس میں یادگار حسن و عشق
ناز برداری ہماری دلربائی آپ کی
مجھ سے اکثر یہ کہا کرتا ہے وہ مخمور ناز
دیکھیے نبھتی ہے کب تک پارسائی آپ کی
اک ہمیں تو کچھ نہیں ہیں آپ کے طاعت گزار
تابع فرماں ہوئی ساری خدائی آپ کی
کیسے دیکھے کون دیکھے آپ کا نور جمال
جان جب ٹھہری ہوئی ہو رونمائی آپ کی
آپ کو آتا رہا میرے ستانے کا خیال
صلح سے اچھی رہی مجھ کو لڑائی آپ کی
برق کا اکثر یہ کہنا یاد آتا ہے مجھے
تنکے چنوانے لگی ہم سے جدائی آپ کی
عرض کر کے حال دل کس درجہ ہیں محجوب ہم
دیکھ کر غصے میں صورت تمتمائی آپ کی
شاہ جیلاں کے سوا مشکل کشا کے واسطے
کون کرتا اور حسرتؔ رہنمائی آپ کی
شاعر: حسرت موہانی
آواز: ایمان
Aashiqon se narawa hai hai wafai aap ki
Aashiqon se narawa hai hai wafai aap ki
Hadd se badh jaaye na shaan-e-kaj adai aap ki
Aarzoo ke dil pe aayengi na kya kya aafaten
Dar paye inkar hai na-aashnai aap ki
Khubru hain aap mana hum ne phir bhi is qadar
Dekhiye achhi nahin hai khud sitaai aap ki
Reh gayi ahl-e-havas mein yaadgar-e-husn-o-ishq
Naaz bardari hamari dilrubai aap ki
Mujh se aksar yeh kaha karta hai woh makhmoor-e-naaz
Dekhiye nibhti hai kab tak parsaai aap ki
Ek hamein to kuch nahin hain aap ke taat guzar
Taabe farmaan hui saari khudai aap ki
Kaise dekhe kaun dekhe aap ka noor-e-jamal
Jaan jab thahri hui ho roo-numai aap ki
Aap ko aata raha mere satane ka khayal
Sulh se achhi rahi mujh ko ladai aap ki
Barq ka aksar yeh kehna yaad aata hai mujhe
Tinke chunwane lagi hum se judai aap ki
Arz kar ke haal-e-dil kis darja hain mahjoob hum
Dekh kar ghusse mein soorat tamtamai aap ki
Shah-e-Jilan ke siwa mushkil kusha ke waaste
Kaun karta aur Hasrat! rahnumai aap ki
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں