ایمان — مقرر کی تصویر

دوست غم خواری میں میری سعی فرماویں گے کیا — آواز: ایمان | شاعر: مرزا غالب

مقرر / سپیکر

تعارف انتخابِ کلام

دوست غم خواری میں میری سعی فرماویں گے کیا

دوست غم خواری میں میری سعی فرماویں گے کیا
زخم کے بھرتے تلک ناخن نہ بڑھ جاویں گے کیا
بے نیازی حد سے گزری بندہ پرور کب تلک
ہم کہیں گے حال دل اور آپ فرماویں گے کیا
حضرت ناصح گر آویں دیدہ و دل فرش راہ
کوئی مجھ کو یہ تو سمجھا دو کہ سمجھاویں گے کیا
آج واں تیغ و کفن باندھے ہوے جاتا ہوں میں
عذر میرے قتل کرنے میں وہ اب لاویں گے کیا
گر کیا ناصح نے ہم کو قید اچھا یوں سہی
یہ جنون عشق کے انداز چھٹ جاویں گے کیا
خانہ زاد زلف ہیں زنجیر سے بھاگیں گے کیوں
ہیں گرفتار وفا زنداں سے گھبراویں گے کیا
ہے اب اس معمورہ میں قحط غم الفت اسدؔ
ہم نے یہ مانا کہ دلی میں رہیں کھاویں گے کیا

شاعر:

آواز:

Dost gham-khwari mein meri sa'i farmawein ge kya

Dost gham-khwari mein meri sa'i farmawein ge kya
Zakhm ke bharte talak nakhun na badh jawein ge kya
Be-niyazi had se guzri banda-parwar kab talak
Ham kahein ge haal-e-dil aur aap farmawein ge kya
Hazrat-e-Naseh gar aawen deedah-o-dil farsh-e-rah
Koi mujh ko ye to samjha do ke samjhawein ge kya
Aaj wan tegh-o-kafan bandhe hue jata hoon main
Uzr mere qatl karne mein woh ab laawein ge kya
Gar kiya naseh ne hum ko qaid achha yun sahi
Ye junoon-e-ishq ke andaaz chhut jawein ge kya
Khanah-zad-e-zulf hain zanjeer se bhagein ge kyon
Hain giriftar-e-wafa zindan se ghabrawein ge kya
Hai ab is ma'mura mein qaht-e-gham-e-ulfat Asad
Hum ne ye mana ke Dilli mein rahein khawawein ge kya

مقرر کے بارے میں

ایمان

خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں

مکمل سوانح دیکھیں

دیگر کلام