ہوں جو سارے دست و پا ہیں خوں میں نہلائے ہوئے — آواز: ایمان | شاعر: مجروح سلطانپوری
مقرر / سپیکر
ہوں جو سارے دست و پا ہیں خوں میں نہلائے ہوئے
ہوں جو سارے دست و پا ہیں خوں میں نہلائے ہوئے
ہم بھی ہیں اے دل بہاراں کی قسم کھائے ہوئے
خبط ہے اے ہم نشیں عقل حریفان بہار
ہے خزاں ان کی انہیں آئینہ دکھلائے ہوئے
کیا ہے ذکر آتش و آہن کہ غداران گل
مارتے ہیں ہاتھ انگاروں پہ گھبرائے ہوئے
زندگی کی قدر سیکھی شکریہ تیغ ستم
ہاں ہمیں تھے کل تلک جینے سے اکتائے ہوئے
سیر ساحل کر چکے اے موج ساحل سر نہ مار
تجھ سے کیا بہلیں گے طوفانوں کے بہلائے ہوئے
ہے یہی اک کاروبار نغمہ و مستی کہ ہم
یا زمیں پر یا سر افلاک ہیں چھائے ہوئے
ساز اٹھایا جب تو گرماتے پھرے ذروں کے دل
جام ہاتھ آیا تو مہر و مہ کے ہمسائے ہوئے
دشت و در بننے کو ہیں مجروحؔ میدان بہار
آ رہی ہے فصل گل پرچم کو لہرائے ہوئے
شاعر: مجروح سلطانپوری
آواز: ایمان
Houn jo saare dast-o-pa hain khoon mein nehlaye hue
Houn jo saare dast-o-pa hain khoon mein nehlaye hue
Hum bhi hain aye dil baharan ki qasam khaye hue
Khabt hai aye hum nasheen aql-e-hareefan-e-bahar
Hai khizaan un ki unhein aaina dikhlaye hue
Kya hai zikr-e-aatish-o-aahan ke ghaddaran-e-gul
Maarte hain haath angaaron pe ghabraye hue
Zindagi ki qadar seekhi shukriya tegh-e-sitam
Haan hamein the kal talak jeene se uktaye hue
Sair-e-sahil kar chuke aye mauj-e-sahil sar na maar
Tujh se kya behlenge toofanon ke behlaye hue
Hai yehi ik karobar-e-naghma-o-masti ke hum
Ya zameen par ya sar-e-aflaak hain chhaye hue
Saaz uthaya jab to garmaate phire zarron ke dil
Jaam haath aaya to mehr-o-mah ke hamsaye hue
Dasht-o-dar banne ko hain Majrooh maidan-e-bahar
Aa rahi hai fasl-e-gul parcham ko lehraye hue
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں