اس گریۂ پیہم کی اذیت سے بچا دے — آواز: ایمان | شاعر: وزیر آغا
مقرر / سپیکر
اس گریۂ پیہم کی اذیت سے بچا دے
اس گریۂ پیہم کی اذیت سے بچا دے
آواز جرس اب کے برس مجھ کو ہنسا دے
یا ابر کرم بن کے برس خشک زمیں پر
یا پیاس کے صحرا میں مجھے جینا سکھا دے
میں بھی تری خوشبو ہوں مری سمت بھی تو دیکھ
مہلت تجھے گر سلسلۂ موج صبا دے
سورج نے مجھے برف کیا ہے تو تجھے کیا
کیا تجھ کو اگر برف مجھے آگ لگا دے
ایسا بھی نہیں ہے کہ فقط خاک نشیں ہوں
آ جائے ہوا آ کے مری خاک اڑا دے
خوشبو کی طرح در بدری خو ہو مری گر
ہے شک تو مجھے میری نگاہوں میں گرا دے
کانٹے کی جراحت سے بھی مر جاتے ہیں کچھ لوگ
رکھ حوصلہ اتنی بھی نہ اب خود کو سزا دے
یا رب تری رحمت کا طلب گار ہے یہ بھی
تھوڑی سی مرے شہر کو بھی آب و ہوا دے
کیا تیرا بگڑتا ہے اگر چاندنی شب تو
اک بار مجھے پھر میری آواز سنا دے
شاعر: وزیر آغا
آواز: ایمان
Is girya-e-paiham ki aziyat se bacha de
Is girya-e-paiham ki aziyat se bacha de
Aawaz-e-jaras ab ke baras mujh ko hansa de
Ya abr-e-karam ban ke baras khushk zameen par
Ya pyas ke sehra mein mujhe jeena sikha de
Main bhi teri khushboo hoon meri simt bhi tu dekh
Mohlat tujhe gar silsila-e-mauj-e-saba de
Suraj ne mujhe barf kiya hai to tujhe kya
Kya tujh ko agar barf mujhe aag laga de
Aisa bhi nahin hai ke faqat khaak-nasheen hoon
Aa jaye hawa aa ke meri khaak uda de
Khushboo ki tarah dar-badari khu ho meri gar
Hai shak to mujhe meri nigahon mein gira de
Kaante ki jarahat se bhi mar jaate hain kuch log
Rakh hausla itni bhi na ab khud ko saza de
Ya Rab teri rehmat ka talabgar hai yeh bhi
Thodi si mere shahar ko bhi aab-o-hawa de
Kya tera bigadta hai agar chandni shab to
Ek baar mujhe phir meri aawaz suna de
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں