اِتنے کڑوے دور میں شیریں مقالی کس طرح — آواز: ایمان | شاعر: باصر سلطان کاظمی
مقرر / سپیکر
اِتنے کڑوے دور میں شیریں مقالی کس طرح
اِتنے کڑوے دور میں شیریں مقالی کس طرح
پوچھ مت اپنی زباں ہم نے سنبھالی کس طرح
حُسن و خوبی اک طرف اُس پر وفا بھی ختم ہے
ہم کو بہلاتا ہے محبوبِ خیالی کس طرح
ہو گیا دل کے مکاں میں اک حسیں آ کر مکیں
فکر یہ ہے اب کرائیں اِس کو خالی کس طرح
پاوں رکھنا بھی جہاں کل تک نہ تھا زیبا اُنہیں
وقت نے لا کر بنایا ہے سوالی کس طرح
ہو گئے بے حال جو تیرے تغافل کے سبب
کس طرح ہو گی مگر ان کی بحالی کس طرح
گلشنِ جاں میں ہوائے شعر پھر سے چل پڑی
جھومتی ہے پتی پتی ڈالی ڈالی کس طرح
مدتیں درکار ہیں باصِر حصولِ صبر کو
ایک دن میں تم نے یہ دولت کما لی کس طرح
شاعر: باصر سلطان کاظمی
آواز: ایمان
Itne kadwe daur mein shereen-maqali kis tarah
Itne kadwe daur mein shereen-maqali kis tarah
Poochh mat apni zubaan hum ne sambhali kis tarah
Husn-o-khoobi ek taraf us par wafa bhi khatm hai
Hum ko behlata hai mehboob-e-khayali kis tarah
Ho gaya dil ke makaan mein ek haseen aa kar makeen
Fikr yeh hai ab karayein is ko khali kis tarah
Paon rakhna bhi jahan kal tak na tha zaiba unhein
Waqt ne la kar banaya hai sawali kis tarah
Ho gaye be-haal jo tere taghaful ke sabab
Kis tarah hogi magar un ki bahali kis tarah
Gulshan-e-jaan mein hawa-e-sher phir se chal padi
Jhoomti hai patti patti daali daali kis tarah
Muddatein darkaar hain Basir husool-e-sabr ko
Ek din mein tum ne yeh daulat kama li kis tarah
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں