جیسے یہ رات ہے اک خواب طلسمات کی رات — آواز: ایمان | شاعر: دلاور علی آزر
مقرر / سپیکر
جیسے یہ رات ہے اک خواب طلسمات کی رات
جیسے یہ رات ہے اک خواب طلسمات کی رات
مجھ کو لے جائے گی آکر وہ پری رات کی رات
آج کی رات نصیبوں سے ملی ہے ہم کو
آج کی رات ہے روحوں سے ملاقات کی رات
میرے کشکول میں دن ڈوبا محبت بھرا دن
میرے کشکول سے ابھری نہیں خیرات کی رات
ہچکچاہٹ نہ جھجھک ہے نہ پریشانی ہے
کیا عجب رات ہے بے ساختہ جذبات کی رات
اس میں کیوں ہجر کے دن یاد کیے جائیں گے
وصل کی رات نہیں ہوتی خرافات کی رات
ہم جواباً کوئی تاویل بھی دے سکتے نہیں
ہم پہ اتری ہے عجب طور سوالات کی رات
پڑھ لو تحریر ہے جو لوح ازل پر آزرؔ
لوٹ کر آتی نہیں کشف و کرامات کی رات
شاعر: دلاور علی آزر
آواز: ایمان
Jaise yeh raat hai ek khwab-e-tilismat ki raat
Jaise yeh raat hai ek khwab-e-tilismat ki raat
Mujh ko le jaayegi aa kar woh pari raat ki raat
Aaj ki raat naseebon se mili hai hum ko
Aaj ki raat hai roohon se mulaqat ki raat
Mere kashkool mein din dooba muhabbat bhara din
Mere kashkool se ubhri nahin khairaat ki raat
Hichkichahat na jhijhak hai na pareshani hai
Kya ajab raat hai be-sakhta jazbaat ki raat
Is mein kyon hijr ke din yaad kiye jaayenge
Wasl ki raat nahin hoti khurafat ki raat
Hum jawaban koi taaweel bhi de sakte nahin
Hum pe utri hai ajab taur sawalat ki raat
Padh lo tehreer hai jo loh-e-azal par Azar
Lout kar aati nahin kashf o karamaat ki raat
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں