جو میرے تنگنائے دل میں تجھ کو جلوہ گر دیکھا

جو میرے تنگنائے دل میں تجھ کو جلوہ گر دیکھا
مری نظروں نے حیرت سے مجھی کو عمر بھر دیکھا
تصور کی حدوں میں بھی سمانا جن کا مشکل تھا
نظر والوں نے ان جلووں کو تا حد نظر دیکھا
سب اپنے دل میں اک تیر نظر محسوس کرتے ہیں
مگر کوئی بتا سکتا نہیں اس نے کدھر دیکھا
تعین بر طرف مقصود مجھ کو سجدہ کرنا تھا
نہ ہم نے رہ گزر دیکھی نہ ہم نے سنگ در دیکھا
نظر آتا نہ تھا جو گرد افکار و حوادث میں
وہ ساحل آنکھ نے طوفان غم میں ڈوب کر دیکھا
تمہارے سنگ در کو سنگ در میں کس طرح سمجھوں
کہ جب سجدہ کیا سر کو جبین عرش پر دیکھا
عجب منزل تھی اے سیمابؔ اپنی منزل ہستی
نہ موقع تھا ٹھہرنے کا نہ یارائے سفر دیکھا

شاعر: سیماب اکبرآبادی

آواز: ایمان

Jo mere tangnay-e dil mein tujh ko jalwah-gar dekha

Jo mere tangnay-e dil mein tujh ko jalwah-gar dekha
Meri nazron ne hairat se mujhi ko umr bhar dekha
Tasawwur ki haddon mein bhi samana jin ka mushkil tha
Nazar walon ne un jalwon ko taa hadd-e nazar dekha
Sab apne dil mein ik teer-e nazar mehsoos karte hain
Magar koi bata sakta nahin us ne kidhar dekha
Ta'ayyun bar taraf maqsood mujh ko sajda karna tha
Na hum ne reh-guzar dekhi na hum ne sang-e dar dekha
Nazar aata na tha jo gard-e afkaar-o hawaadis mein
Woh sahil aankh ne toofan-e gham mein doob kar dekha
Tumhare sang-e dar ko sang-e dar mein kis tarah samjhoon
Ke jab sajda kiya sar ko jabeen-e arsh par dekha
Ajab manzil thi aye Seemabؔ apni manzil-e hasti
Na mauqa tha theharne ka na yara-e safar dekha

مقرر کے بارے میں

خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں

مکمل سوانح دیکھیں

جو میرے تنگنائے دل میں تجھ کو جلوہ گر دیکھا — آواز: ایمان | شاعر: سیماب اکبرآبادی

مقرر / سپیکر