مہتاب صفت لوگ یہاں خاک بسر ہیں — آواز: ایمان | شاعر: حبیب جالب
مقرر / سپیکر
مہتاب صفت لوگ یہاں خاک بسر ہیں
مہتاب صفت لوگ یہاں خاک بسر ہیں
ہم محو تماشائے سر راہ گزر ہیں
حسرت سی برستی ہے در و بام پہ ہر سو
روتی ہوئی گلیاں ہیں سسکتے ہوئے گھر ہیں
آئے تھے یہاں جن کے تصور کے سہارے
وہ چاند وہ سورج وہ شب و روز کدھر ہیں
سوئے ہو گھنی زلف کے سائے میں ابھی تک
اے راہرواں کیا یہی انداز سفر ہیں
وہ لوگ قدم جن کے لیے کاہکشاں نے
وہ لوگ بھی اے ہم نفسو ہم سے بشر ہیں
بک جائیں جو ہر شخص کے ہاتھوں سر بازار
ہم یوسف کنعاں ہیں نہ ہم لعل و گہر ہیں
ہم لوگ ملیں گے تو محبت سے ملیں گے
ہم نزہت مہتاب ہیں ہم نور سحر ہیں
شاعر: حبیب جالب
آواز: ایمان
Mahtab sifat log yahan khaak basar hain
Mahtab sifat log yahan khaak basar hain
Hum mahv-e-tamasha-e-sar-e-rahguzar hain
Hasrat si barasti hai dar-o-baam pe har su
Roti hui galiyan hain sisakte hue ghar hain
Aaye the yahan jin ke tasawwur ke sahare
Woh chand woh suraj woh shab-o-roz kidhar hain
Soye ho ghani zulf ke saaye mein abhi tak
Ae rāh-rawaan kya yehi andaz-e-safar hain
Woh log qadam jin ke liye kaahkashan ne
Woh log bhi ae ham-nafaso hum se bashar hain
Bik jayen jo har shakhs ke hathon sar-e-bazar
Hum Yousuf-e-Kanaan hain na hum la'al-o-gauhar hain
Hum log milenge to mohabbat se milenge
Hum nuzhat-e-mahtab hain hum noor-e-sahar hain
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں