شہر میں دل کے سروکار کہیں چلتے ہیں — آواز: ایمان | شاعر: ظفرگورکھپوری
مقرر / سپیکر
شہر میں دل کے سروکار کہیں چلتے ہیں
شہر میں دل کے سروکار کہیں چلتے ہیں
دشت اپنوں کو سمجھتا ہے‘ وہیں چلتے ہیں
خود جہاں اپنی حرارت سے فروزاں ہوں چراغ
وہاں احکام ہواؤں کے نہیں چلتے ہیں
بوجھ جو سانسوں پہ ہے‘ کم نہیں ہونے والا
شہر میں حبس زیادہ ہے‘ کہیں چلتے ہیں
میں وہاں راہ کی‘ رفتار کی کیا بحث کروں
اپنے پیروں سے جہاں لوگ نہیں چلتے ہیں
پار کر جاؤں گا اک روز یہ صحرائے گماں
میں نہیں چلتا‘ مرے پائے یقیں چلتے ہیں
زندگی! تجھ سے زیادہ وہ سمجھتے ہیں تجھے
رکھ کے دن رات جو چھاتی پہ زمیں‘ چلتے ہیں
راستے اچھے‘ ہوا اچھی‘ سفر بھی دلچسپ
پہلے قدموں پہ تو آ جائے یقیں‘ چلتے ہیں
شاعر: ظفرگورکھپوری
آواز: ایمان
Shehar mein dil ke sarokaar kahin chalte hain
Shehar mein dil ke sarokaar kahin chalte hain
Dasht apnon ko samajhta hai’ wahin chalte hain
Khud jahan apni hararat se farozaan hon charaagh
Wahan ahkam hawaon ke nahin chalte hain
Bojh jo saanson pe hai’ kam nahin hone wala
Shehar mein habs zyada hai’ kahin chalte hain
Main wahan raah ki’ raftaar ki kya bahas karun
Apne pairon se jahan log nahin chalte hain
Paar kar jaunga ek roz yeh sehra-e-gumaan
Main nahin chalta’ mere paaye yaqeen chalte hain
Zindagi! Tujh se zyada woh samajhte hain tujhe
Rakh ke din raat jo chhaati pe zameen’ chalte hain
Raaste achhe’ hawa achhi’ safar bhi dilchasp
Pehle qadmon pe to aa jaye yaqeen’ chalte hain
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں