تارے درد کے جھونکے بن کر آتے ہیں — آواز: ایمان | شاعر: باقی صدیقی
مقرر / سپیکر
تارے درد کے جھونکے بن کر آتے ہیں
تارے درد کے جھونکے بن کر آتے ہیں
ہم بھی نیند کی صورت اڑتے جاتے ہیں
جب انداز بہاروں کے یاد آتے ہیں
ہم کاغذ پر کیا کیا پھول بناتے ہیں
وقت کا پتھر بھاری ہوتا جاتا ہے
ہم مٹی کی صورت دیتے جاتے ہیں
کیا ذروں کا جوش صبا نے چھین لیا
گلشن میں کیوں یاد بگولے آتے ہیں
دنیا نے ہر بات میں کیا کیا رنگ بھرے
ہم سادہ اوراق الٹتے جاتے ہیں
دل ناداں ہے شاید راہ پہ آ جائے
تم بھی سمجھاؤ ہم بھی سمجھاتے ہیں
تم بھی الٹی الٹی باتیں پوچھتے ہو
ہم بھی کیسی کیسی قسمیں کھاتے ہیں
بیٹھ کے روئیں کس کو فرصت ہے باقیؔ
بھولے بسرے قصے یاد تو آتے ہیں
شاعر: باقی صدیقی
آواز: ایمان
Tare dard ke jhonke ban kar aate hain
Taare dard ke jhonke ban kar aate hain
Hum bhi neend ki soorat udte jaate hain
Jab andaaz baharon ke yaad aate hain
Hum kaghaz par kya kya phool banate hain
Waqt ka patthar bhari hota jata hai
Hum mitti ki soorat dete jaate hain
Kya zarron ka josh saba ne chheen liya
Gulshan mein kyun yaad bagule aate hain
Duniya ne har baat mein kya kya rang bhare
Hum sada awraq ulatte jaate hain
Dil-e-nadan hai shayad raah pe aa jaye
Tum bhi samjhao hum bhi samjhate hain
Tum bhi ulti ulti baatein poochhte ho
Hum bhi kaisi kaisi qasmein khate hain
Baith ke roen kis ko fursat hai Baqiؔ
Bhoole bisre qisse yaad to aate hain
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں