ایمان — مقرر کی تصویر

تسکیں کو ہم نہ روئیں جو ذوق نظر ملے — آواز: ایمان | شاعر: مرزا غالب

مقرر / سپیکر

تعارف انتخابِ کلام

تسکیں کو ہم نہ روئیں جو ذوق نظر ملے

تسکیں کو ہم نہ روئیں جو ذوق نظر ملے
حوران خلد میں تری صورت مگر ملے
اپنی گلی میں مجھ کو نہ کر دفن بعد قتل
میرے پتے سے خلق کو کیوں تیرا گھر ملے
ساقی گری کی شرم کرو آج ورنہ ہم
ہر شب پیا ہی کرتے ہیں مے جس قدر ملے
تجھ سے تو کچھ کلام نہیں لیکن اے ندیم
میرا سلام کہیو اگر نامہ بر ملے
تم کو بھی ہم دکھائیں کہ مجنوں نے کیا کیا
فرصت کشاکش غم پنہاں سے گر ملے
لازم نہیں کہ خضر کی ہم پیروی کریں
جانا کہ اک بزرگ ہمیں ہم سفر ملے
اے ساکنان کوچۂ دل دار دیکھنا
تم کو کہیں جو غالبؔ آشفتہ سر ملے

شاعر:

آواز:

Taskeen ko ham na ro'ein jo zauq-e-nazar mile

Taskeen ko ham na ro'ein jo zauq-e-nazar mile
Hooran-e-khuld mein teri surat magar mile
Apni gali mein mujh ko na kar dafan baad-e-qatl
Mere pate se khalq ko kyun tera ghar mile
Saqi-gari ki sharm karo aaj warna ham
Har shab piya hi karte hain may jis qadar mile
Tujh se to kuchh kalam nahin lekin aye Nadeem
Mera salam kahiyo agar nama-bar mile
Tum ko bhi ham dikha'ein ke Majnun ne kya kya
Fursat-e-kashakash-e-gham-e-pinhan se gar mile
Lazim nahin ke Khizr ki ham pairavi karein
Jaana ke ek buzurg hamein ham-safar mile
Aye sakinan-e-koocha-e-dil-dar dekhna
Tum ko kahin jo Ghalib aashufta-sar mile

مقرر کے بارے میں

ایمان

خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں

مکمل سوانح دیکھیں

دیگر کلام