تُو کہاں تھا — آواز: ایمان | شاعر: زین شکیل
مقرر / سپیکر
تُو کہاں تھا
تُو کہاں تھا؟
کہ جب میں بُریدہ مقدر لیے تیرے در پر صدائیں لگاتا رہا۔
تیرا سائل سوالی رہا،
تیرے سائل کا دستِ شکستہ ہمیشہ سے خالی رہا۔
تُو کہا تھا؟
کہ جب مجھ پہ دیوار و در ہنس پڑے،
میری مجبوریاں یعنی میری کنیزیں مِرے ہی حرم میں تماشائی بن کر کھڑی رہ گئیں۔
تیرے وعدوں بھری سب کتابیں کہیں دھول میں ہی پڑی رہ گئیں۔
میری سب آرزؤئیں دھری کی دھری رہ گئیں۔
تُو کہاں تھا؟
کہ جب رونے والوں سے رویا گیا ہی نہیں تھا،
اذیت کے مارے ہوئے سونے والوں سے سویا گیا ہی نہیں تھا۔
سبھی ہنسنے والوں نے ہنسنے کی ساری حدیں پار کیں۔
دکھ توجہ سے ملنے لگیں تو بھلا کوئی کیسے نہ لے؟
دکھ توانائی دینے لگیں تو بھلا کوئی انکار کیسے کرے؟
مجھ کو وہ دکھ ملے جن میں تیری توجہ کی تمثیل تک بھی نہ تھی۔
ان دکھوں نے تو میری توانائیاں چھین لیں،
سب سکھوں سے شناسائیاں چھین لیں
وقت کی گود اتنی ملائم نہ تھی،
جس میں سر رکھ کے ہم زندگی کاٹتے آئے ہیں۔
تو کہاں تھا؟
کہ جب میرے ساون ترستے رہے،
میری آنکھوں کے بادل برستے رہے،
بے بسی گیت گاتی رہی، تیری دوری ستاتی رہی،
چاندنی میری آنکھیں جلاتی رہی،
یاد آتی رہی، تیری ہر بات مجھ کو رلاتی رہی۔
دل کی تختی پہ اک نام تیرا لکھا سو لکھا رہ گیا
تُو نہ تھا پر تری انتظاری کا در تو کھلا رہ گیا
تُو نے روشن کیا تو ترے ہجر کی تیرگی کھا گئی
تُو نے مڑ کر نہ دیکھا ترا دیپ جب سے بجھا رہ گیا
میرے جذبوں کی قیمت لگائی گئی تیرے بازار میں
میرے جذبات کوئی خسارے میں ہی بیچتا رہ گیا
میرے دامن میں، دنیا، نہ دولت، فقط چاک ہی چاک ہیں
چاک ہی چاک ہیں، میرے دامن میں اب اور کیا رہ گیا
تیری عزت تری آبرو تیری چادر سدا سبز ہو
تجھ سے میرا تعلق تو ہے چاہے اب نام کا رہ گیا
تُو کہاں تھا کہ جب میں نے تیری محبت کا ماتم کیا
بس اُسی دن سے میرے مقدر میں فرشِ عزا رہ گیا
تُو کہاں تھا کہ جب اتنی آزردگی بھر گئی روح میں
اتنی افسردگی روح میں بھر گئی، اب خلا رہ گیا
شہر و بازار سے، دشت و کہسار سے، یار و اغیار سے
تُو کہاں تھا کہ جب تیرا شاعر ترا پوچھتا رہ گیا۔۔
تُو کہاں تھا کہ جب دھوپ جھلسا رہی تھی مجھے
گردشِ حال بھی کھا رہی تھی مجھے
اور تنہائی فرما رہی تھی مجھے
"آ اداسی کی بانہوں میں آ...
بسترِ رنج پر اپنی راتیں بِتا۔۔
فخر کر اپنی بربادیوں پر بھی
اور بین کر اپنی آزادیوں پر"
کہ جب میں نے اپنے ہی ہونے کو جھٹلا دیا
اور کھونے کو بھی کچھ نہیں رہ گیا
تب کسی درد مندی کے پیکر نے چھو کر مجھے روشنی بخش دی
میرے جذبات کو زندگی بخش دی
میرے لفظوں کو تابندگی بخش دی۔۔۔
تُو کہاں تھا کہ جب وہ محبت سے معمور،
دل کا سمندر وہ شیریں سخن،
میرے ٹکڑے بہت دیر تک جوڑتا رہ گیا۔
میں اپنا سبھی کچھ اُسی لے حوالے کیا۔
تُو نہیں تھا۔۔۔ کہیں بھی نہیں تھا
اگر اب تُو آئے بھی تو۔۔۔
تیرا آنا بھی کیا۔۔۔
تُو اگر ہو بھی تو۔۔۔
تیرا ہونا بھی کیا۔۔۔
تُو ندامت کے آنسو بہائے بھی تو
تیرا رونا بھی کیا۔۔۔
اب میں اپنا نہیں۔۔۔ اب ترے واسطے
میرا ہونا بھی کیا۔۔۔
شاعر: زین شکیل
آواز: ایمان
Tu kahan tha
Tu kahan tha?
Ke jab main bureeda muqaddar liye tere dar par sadaayein lagata raha.
Tera saail sawaali raha,
Tere saail ka dast-e-shikasta hamesha se khaali raha.
Tu kahan tha?
Ke jab mujh pe deewar o dar hans pade,
Meri majbooriyan yaani meri kaneezein mere hi haram mein tamashayi ban kar khadi reh gayin.
Tere waadon bhari sab kitabein kahin dhool mein hi padi reh gayin.
Meri sab aarzoo'ein dhari ki dhari reh gayin.
Tu kahan tha?
Ke jab rone walon se roya gaya hi nahin tha,
Aziyat ke maare hue sone walon se soya gaya hi nahin tha.
Sabhi hansne walon ne hansne ki saari hadein paar keen.
Dukh tawajjuh se milne lagein to bhala koi kaise na le?
Dukh tawaanaayi dene lagein to bhala koi inkaar kaise kare?
Mujh ko woh dukh mile jin mein teri tawajjuh ki tamsil tak bhi na thi.
In dukhon ne to meri tawaanaaiyan chheen lein,
Sab sukhon se shanasaiyan chheen lein.
Waqt ki god itni mulaayam na thi,
Jis mein sar rakh ke hum zindagi kaatte aaye hain.
Tu kahan tha?
Ke jab mere saawan taraste rahe,
Meri aankhon ke baadal baraste rahe,
Be-basi geet gaati rahi, teri doori satati rahi,
Chandni meri aankhein jalati rahi,
Yaad aati rahi, teri har baat mujh ko rulati rahi.
Dil ki takhti pe ek naam tera likha so likha reh gaya
Tu na tha par teri intizaari ka dar to khula reh gaya
Tu ne roshan kiya to tere hijr ki teergi kha gayi
Tu ne mud kar na dekha tera deep jab se bujha reh gaya
Mere jazbon ki qeemat lagayi gayi tere bazaar mein
Mere jazbaat koi khasare mein hi bechta reh gaya
Mere daaman mein, duniya, na daulat, faqat chaak hi chaak hain
Chaak hi chaak hain, mere daaman mein ab aur kya reh gaya
Teri izzat teri aabroo teri chadar sada sabz ho
Tujh se mera ta'alluq to hai chahe ab naam ka reh gaya
Tu kahan tha ke jab main ne teri mohabbat ka matam kiya
Bas usi din se mere muqaddar mein farsh-e-aza reh gaya
Tu kahan tha ke jab itni aazurdagi bhar gayi rooh mein
Itni afsurdagi rooh mein bhar gayi, ab khala reh gaya
Shehar o bazaar se, dasht o kohsaar se, yaar o aghyaar se
Tu kahan tha ke jab tera shayar tera poochhta reh gaya..
Tu kahan tha ke jab dhoop jhuls aa rahi thi mujhe
Gardish-e-haal bhi kha rahi thi mujhe
Aur tanhai farma rahi thi mujhe
"Aa udaasi ki banhon mein aa...
Bistar-e-ranj par apni raatein bita..
Fakhr kar apni barbadiyon par bhi
Aur bain kar apni aazadiyon par"
Ke jab main ne apne hi hone ko jhutla diya
Aur khone ko bhi kuch nahin reh gaya
Tab kisi dard-mandi ke paikar ne chhu kar mujhe roshni bakhsh di
Mere jazbaat ko zindagi bakhsh di
Mere lafzon ko taabindagi bakhsh di...
Tu kahan tha ke jab woh mohabbat se maamoor,
Dil ka samundar woh sheereen sukhan,
Mere tukde bahut der tak jodta reh gaya
Main apna sabhi kuch usi ke hawale kiya
Tu nahin tha... kahin bhi nahin tha
Agar ab tu aaye bhi to...
Tera aana bhi kya...
Tu agar ho bhi to...
Tera hona bhi kya...
Tu nadamat ke aansoo bahaye bhi to
Tera rona bhi kya...
Ab main apna nahin... ab tere waaste
Mera hona bhi kya...
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں