تمہیں جب کبھی ملیں فرصتیں مرے دل سے بوجھ اتار دو — آواز: ایمان | شاعر: اعتبارساجد
مقرر / سپیکر
تمہیں جب کبھی ملیں فرصتیں مرے دل سے بوجھ اتار دو
تمہیں جب کبھی ملیں ' فرصتیں مرے دل سے بوجھ اتاردو
میں بہت دنوں سے اداس ہوں مجھے کوئی شام ادھار دو
مجھے اپنے روپ کی دھوپ دو کہ چمک سکیں مرے خال وخد
مجھے اپنے رنگ میں رنگ دو، مرے سارے زنگ اتار دو
کسی اور کو مرے حال سے نہ غرض ہے کوئی نہ واسطہ
میں بکھر گیا ہوں سمیٹ لو' میں بگڑ گیا ہوں سنوار دو
مری وحشتوں کو بڑھا دیا ہے جدائیوں کے عذاب نے
مرے دل پہ ہاتھ رکھو ذرا' مری دھڑکنوں کو قرار دو
تمہیں صبح کیسی لگی کہو' مری خواہشوں کے دیار کی
جو بھلی لگی تو یہیں رہو' اسے چاہتوں سے نکھار دو
وہاں گھر میں کون ہے منتظر کہ ہو فکر دیر سویر کی
بڑی مختصر سی یہ رات ہے اسی چاندنی میں گزار دو
کوئی بات کرنی ہے چاند سے کسی شاخسار کی اوٹ میں
مجھے راستے میں یہیں کہیں کسی کنج گل میں اتار دو
شاعر: اعتبارساجد
آواز: ایمان
Tumhein jab kabhi milen fursaten mere dil se bojh utaar do
Tumhein jab kabhi milen ' fursaten mere dil se bojh utaar do
Main bahut dinon se udaas hoon mujhe koi shaam udhaar do
Mujhe apne roop ki dhoop do ke chamak sakein mere khaal-o-khad
Mujhe apne rang mein rang do, mere saare zang utaar do
Kisi aur ko mere haal se na gharz hai koi na waasta
Main bikhar gaya hoon sameit lo' main bigad gaya hoon sanwaar do
Meri wahshaton ko badha diya hai judaiyon ke azaab ne
Mere dil pe haath rakho zara' meri dhadkanon ko qaraar do
Tumhein subh kaisi lagi kaho' meri khwahishon ke diyaar ki
Jo bhali lagi to yahin raho' use chahton se nikhaar do
Wahan ghar mein kaun hai muntazir ke ho fikr der sawer ki
Badi mukhtasar si ye raat hai isi chaandni mein guzaar do
Koi baat karni hai chaand se kisi shakhsaar ki aot mein
Mujhe raaste mein yahin kahin kisi kunj-e-gul mein utaar do
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں