وحشی تھے بوئے گل کی طرح اس جہاں میں ہم — آواز: ایمان | شاعر: حیدر علی آتش
مقرر / سپیکر
وحشی تھے بوئے گل کی طرح اس جہاں میں ہم
وحشی تھے بوئے گل کی طرح اس جہاں میں ہم
نکلے تو پھر کے آئے نہ اپنے مکاں میں ہم
ساکن ہیں جوش اشک سے آب رواں میں ہم
رہتے ہیں مثل مردم آبی جہاں میں ہم
شیدائے روئے گل نہ تو شیدائے قد سرو
صیاد کے شکار ہیں اس بوستاں میں ہم
نکلی لبوں سے آہ کہ گردوں نشانہ تھا
گویا کہ تیر جوڑے ہوئے تھے کماں میں ہم
آلودۂ گناہ ہے اپنا ریاض بھی
شب کاٹتے ہیں جاگ کے مغ کی دکاں میں ہم
ہمت پس از فنا سبب ذکر خیر ہے
مردوں کا نام سنتے ہیں ہر داستاں میں ہم
ساقی ہے یار ماہ لقا ہے شراب ہے
اب بادشاہ وقت ہیں اپنے مکاں میں ہم
نیرنگ روزگار سے ایمن ہیں شکل سرو
رکھتے ہیں ایک حال بہار و خزاں میں ہم
دنیا و آخرت میں طلب گار ہیں ترے
حاصل تجھے سمجھتے ہیں دونوں جہاں میں ہم
پیدا ہوا ہے اپنے لیے بوریائے فقر
یہ نیستاں ہے شیر ہیں اس نیستاں میں ہم
خواہاں کوئی نہیں تو کچھ اس کا عجب نہیں
جنس گراں بہا ہیں فلک کی دکاں میں ہم
لکھا ہے کس کے خنجر مژگاں کا اس نے وصف
اک زخم دیکھتے ہیں قلم کی زباں میں ہم
کیا حال ہے کسی نے نہ پوچھا ہزار حیف
نالاں رہے جرس کی طرح کارواں میں ہم
آیا ہے یار فاتحہ پڑھنے کو قبر پر
بیدار بخت خفتہ ہے خواب گراں میں ہم
شاگرد طرز خندہ زنی میں ہے گل ترا
استاد عندلیب ہیں سوز و فغاں میں ہم
باغ جہاں کو یاد کریں گے عدم میں کیا
کنج قفس سے تنگ رہے آشیاں میں ہم
اللہ رے بے قرارئ دل ہجر یار میں
گاہے زمیں میں تھے تو گہے آسماں میں ہم
دروازہ بند رکھتے ہیں مثل حباب بحر
قفل درون خانہ ہیں اپنے مکاں میں ہم
آتشؔ سخن کی قدر زمانے سے اٹھ گئی
مقدور ہو تو قفل لگا دیں زباں میں ہم
شاعر: حیدر علی آتش
آواز: ایمان
Wahshi the bu-e-gul ki tarah is jahan mein hum
Wahshi the bu-e-gul ki tarah is jahan mein hum
Nikle to phir ke aaye na apne makaan mein hum
Saakin hain josh-e-ashk se aab-e-rawan mein hum
Rehte hain misl-e-mardum aabi jahan mein hum
Shaidai-e-ru-e-gul na to shaidai-e-qadd-e-sarv
Sayyad ke shikar hain is bustaan mein hum
Nikli labon se aah ke gardoo nishana tha
Goya ke teer jode hue the kamaan mein hum
Aalooda-e-gunaah hai apna riyaz bhi
Shab kaatte hain jaag ke mugh ki dukaan mein hum
Himmat pas az fana sabab zikr-e-khair hai
Mardoon ka naam sunte hain har daastaan mein hum
Saqi hai yaar mah laqa hai sharaab hai
Ab badshah-e-waqt hain apne makaan mein hum
Nairang-e-rozgar se aiman hain shakl-e-sarv
Rakkhte hain ek haal bahar o khazan mein hum
Duniya o aakhirat mein talabgar hain tere
Hasil tujhe samajhte hain donon jahan mein hum
Paida hua hai apne liye boriya-e-faqr
Yeh neestaan hai sher hain is neestaan mein hum
Khwahan koi nahin to kuchh is ka ajab nahin
Jins-e-giraan baha hain falak ki dukaan mein hum
Likha hai kis ke khanjar mizhgan ka us ne wasf
Ek zakhm dekhte hain qalam ki zaban mein hum
Kya haal hai kisi ne na poocha hazar haif
Nalaan rahe jaras ki tarah karwaan mein hum
Aya hai yaar fateha padhne ko qabr par
Bedar bakht-e-khufta hai khwab-e-giraan mein hum
Shagird tarz-e-khanda zani mein hai gul tera
Ustad andaleeb hain soz o fughan mein hum
Bagh-e-jahan ko yaad karenge adam mein kya
Kunj-e-qafas se tang rahe aashiyaan mein hum
Allah re be-qarari-e-dil hijr-e-yaar mein
Gahe zameen mein the to gahe aasman mein hum
Darwaza band rakkhte hain misl-e-hubab-e-bahr
Qafl daroon-e-khana hain apne makaan mein hum
Atash sukhan ki qadr zamane se uth gai
Maqdoor ho to qafl laga dein zaban mein hum
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں