یہ جو مری لے اور لفظوں کے رنگیں تانے بانے ہیں — آواز: ایمان | شاعر: جمیل الدین عالی
مقرر / سپیکر
یہ جو مری لے اور لفظوں کے رنگیں تانے بانے ہیں
یہ جو مری لے اور لفظوں کے رنگیں تانے بانے ہیں
سننے والوں غور نہ کرنا سارے راگ پرانے ہیں
سننے والو غور نہ کرنا ورنہ کھل ہی جائیں گے
کتنے خالی بھید ہمارے جو کب سے افسانے ہیں
سننے والوں غور نہ کرنا ورنہ پتہ چل جائے گا
ہم نے جتنے باغ سجائے وہ اب تک ویرانے ہیں
سننے والو غور نہ کرنا ورنہ صاف سمجھ لو گے
ہم نے جتنے نام لیے تھے آج بھی سب انجانے ہیں
سننے والو غور نہ کرنا ورنہ خفا ہو جاؤ گے
جن کو ہم نے دوست کہا ہے ہم ان سے بیگانے ہیں
سننے والو غور نہ کرنا ورنہ ہمیں ٹھکرا دو گے
ہم اندر سے سخت کمینے باہر سے دیوانے ہیں
سننے والو غور نہ کرنا ہم بے سر ہو جائیں گے
جب تک تم سر دھنتے رہو گے سارے گیت سہانے ہیں
سننے والو غور نہ کرنا ورنہ ہم خود کہہ دیں گے
ہم اب شعر نہیں کہہ سکتے یہ سب شعر بہانے ہیں
شاعر: جمیل الدین عالی
آواز: ایمان
Yeh jo meri lay aur lafzon ke rangeen taane baane hain
Yeh jo meri lay aur lafzon ke rangeen taane baane hain
Sunne walo ghaur na karna saare raag purane hain
Sunne walo ghaur na karna warna khul hi jaayenge
Kitne khaali bhed hamare jo kab se afsane hain
Sunne walo ghaur na karna warna pata chal jaayega
Hum ne jitne baagh sajaye woh ab tak veerane hain
Sunne walo ghaur na karna warna saaf samajh loge
Hum ne jitne naam liye the aaj bhi sab anjaane hain
Sunne walo ghaur na karna warna khafa ho jaao ge
Jin ko hum ne dost kaha hai hum un se begaane hain
Sunne walo ghaur na karna warna humein thukra do ge
Hum andar se sakht kamine bahar se deewane hain
Sunne walo ghaur na karna hum be-sar ho jaayenge
Jab tak tum sar dhunte raho ge saare geet suhane hain
Sunne walo ghaur na karna warna hum khud keh denge
Hum ab sher nahin keh sakte yeh sab sher bahane hain
مقرر کے بارے میں
خود پرستی میں رہوں تو مٹی سے بھی کھیلتی ہوں اناپرستی میں آ جاؤں تو چاند کو بھی نظرانداز کر دوں
مکمل سوانح دیکھیں