اپنی تنہائی مرے نام پہ آباد کرے — آواز: نور مائیر | شاعر: پروین شاکر
مقرر / سپیکر
اپنی تنہائی مرے نام پہ آباد کرے
اپنی تنہائی مرے نام پہ آباد کرے
کون ہوگا جو مجھے اس کی طرح یاد کرے
دل عجب شہر کہ جس پر بھی کھلا در اس کا
وہ مسافر اسے ہر سمت سے برباد کرے
اپنے قاتل کی ذہانت سے پریشان ہوں میں
روز اک موت نئے طرز کی ایجاد کرے
اتنا حیراں ہو مری بے طلبی کے آگے
وا قفس میں کوئی در خود مرا صیاد کرے
سلب بینائی کے احکام ملے ہیں جو کبھی
روشنی چھونے کی خواہش کوئی شب زاد کرے
سوچ رکھنا بھی جرائم میں ہے شامل اب تو
وہی معصوم ہے ہر بات پہ جو صاد کرے
جب لہو بول پڑے اس کے گواہوں کے خلاف
قاضئ شہر کچھ اس باب میں ارشاد کرے
اس کی مٹھی میں بہت روز رہا میرا وجود
میرے ساحر سے کہو اب مجھے آزاد کرے
شاعر: پروین شاکر
آواز: نور مائیر
Apni tanhaai mere naam pe aabaad kare
Apni tanhaai mere naam pe aabaad kare
Kaun hoga jo mujhe us ki tarah yaad kare
Dil ajab shahar ke jis par bhi khula dar us ka
Woh musafir use har samt se barbaad kare
Apne qaatil ki zahaan't se pareshan hun main
Roz ik maut naye tarz ki eejaad kare
Itna hairaan ho meri be-talabi ke aage
Wa qafas mein koi dar khud mera sayyaad kare
Salb-e-beenayi ke ahkaam mile hain jo kabhi
Roshni chhoone ki khwahish koi shab-zaad kare
Soch rakhna bhi jaraa'im mein hai shaamil ab to
Wahi masoom hai har baat pe jo saad kare
Jab lahu bol pade us ke gawahon ke khilaaf
Qaazi-e-shahar kuchh is baab mein irshaad kare
Us ki mutthi mein bahut roz raha mera wajood
Mere saahir se kaho ab mujhe aazaad kare