بے سبب لوگ بدلتے نہیں مسکن اپنا — آواز: نور مائیر | شاعر: محسن بھوپالی
مقرر / سپیکر
بے سبب لوگ بدلتے نہیں مسکن اپنا
بے سبب لوگ بدلتے نہیں مسکن اپنا
تم نے جلتے ہوئے دیکھا ہے نشیمن اپنا
کس کڑے وقت میں موسم نے گواہی مانگی
جب گریبان ہی اپنا ہے نہ دامن اپنا
اپنے لٹ جانے کا الزام کسی کو کیا دوں
میں ہی تھا راہنما میں ہی تھا رہزن اپنا
کوئی ملتا ہے جو اس دور پر آشوب میں دوست
مشورے دے کے بنا لیتے ہیں دشمن اپنا
جب بھی سچ بولتے بچوں پہ نظر پڑتی ہے
یاد آ جاتا ہے بے ساختہ بچپن اپنا
یوں کیا کرتے ہیں لڑکوں کو نصیحت اکثر
جیسے ہم نے نہ گزارا ہو لڑکپن اپنا
رنگ محفل کے لیے ہم نہیں بدلے محسنؔ
وہی انداز تخیل ہے وہی فن اپنا
شاعر: محسن بھوپالی
آواز: نور مائیر
Be-sabab log badalte nahin maskan apna
Be-sabab log badalte nahin maskan apna
Tum ne jalte hue dekha hai nashiman apna
Kis kade waqt mein mausam ne gawahi mangi
Jab gireban hi apna hai na daman apna
Apne lut jaane ka ilzam kisi ko kya doon
Main hi tha rahnuma main hi tha rahzan apna
Koi milta hai jo is daur-e-pur-ashob mein dost
Mashware de ke bana lete hain dushman apna
Jab bhi sach bolte bachon pe nazar padti hai
Yaad aa jata hai be-sakhta bachpan apna
Yun kiya karte hain ladkon ko nasihat aksar
Jaise hum ne na guzara ho ladakpan apna
Rang-e-mehfil ke liye hum nahin badle Mohsinؔ
Wohi andaaz-e-takhayyul hai wohi fun apna