دیوانے کی جنت — آواز: نور مائیر | شاعر: وسیم بریلوی
مقرر / سپیکر
دیوانے کی جنت
میرا یہ خواب کہ تم میرے قریب آئی ہو
اپنے سائے سے جھجکتی ہوئی گھبراتی ہوئی
اپنے احساس کی تحریک پہ شرماتی ہوئی
اپنے قدموں کی بھی آواز سے کتراتی ہوئی
اپنی سانسوں کے مہکتے ہوئے انداز لئے
اپنی خاموشی میں گہنائے ہوئے راز لئے
اپنے ہونٹوں پہ اک انجام کا آغاز لئے
دل کی دھڑکن کو بہت روکتی سمجھاتی ہوئی
اپنی پائل کی غزل خوانی پہ جھلاتی ہوئی
نرم شانوں پہ جوانی کا نیا بار لئے
شوخ آنکھوں میں حجابات سے انکار لئے
تیز نبضوں میں ملاقات کے آثار لئے
کالے بالوں سے بکھرتی ہوئی چمپا کی مہک
سرخ عارض پہ دمکتے ہوئے شالوں کی چمک
نیچی نظروں میں سمائی ہوئی خوددار جھجک
نقرئی جسم پہ وہ چاند کی کرنوں کی پھوار
چاندنی رات میں بجھتا ہوا پلکوں کا ستار
فرط جذبات سے مہکی ہوئی سانسوں کی قطار
دور ماضی کی بد انجام روایات لئے
نیچی نظریں وہی احساس ملاقات لئے
وہی ماحول وہی تاروں بھری رات لئے
آج تم آئی ہو دہراتی ہوئی ماضی کو
میرا یہ خواب کہ تم میرے قریب آئی ہو
کاش اک خواب رہے تلخ حقیقت نہ بنے
یہ ملاقات بھی دیوانے کی جنت نہ بنے
شاعر: وسیم بریلوی
آواز: نور مائیر
Deewane ki Jannat
Mera yeh khwab ke tum mere qareeb aayi ho
Apne saaye se jhijhakti hui ghabraati hui
Apne ehsaas ki tehreek pe sharmaati hui
Apne qadmon ki bhi awaz se katraati hui
Apni saanson ke mehakte hue andaaz liye
Apni khamoshi mein gehnaye hue raaz liye
Apne honton pe ek anjaam ka aaghaz liye
Dil ki dhadkan ko bahut rokti samjhaati hui
Apni paayal ki ghazal khwani pe jhunjhulaati hui
Narm shanon pe jawani ka naya baar liye
Shokh aankhon mein hijaabaat se inkar liye
Tez nabzon mein mulaqat ke aasar liye
Kaale baalon se bikharti hui champa ki mehak
Surkh aariz pe damakte hue shaalon ki chamak
Neechi nazron mein samaai hui khuddar jhijhak
Nuqrai jism pe woh chand ki kirnon ki phuwar
Chandni raat mein bujhta hua palkon ka sitaar
Fart-e-jazbaat se mehakti hui saanson ki qatar
Dur maazi ki bad-anjaam riwayaat liye
Neechi nazrein wahi ehsaas-e-mulaqat liye
Wahi mahol wahi taaron bhari raat liye
Aaj tum aayi ho dohraati hui maazi ko
Mera yeh khwab ke tum mere qareeb aayi ho
Kaash ek khwab rahe talkh haqeeqat na bane
Yeh mulaqat bhi deewane ki jannat na bane