اک بے وفا کو خوگر جور و جفا کیا — آواز: نور مائیر | شاعر: ساحر بھوپالی
مقرر / سپیکر
اک بے وفا کو خوگر جور و جفا کیا
اک بے وفا کو خوگر جور و جفا کیا
اظہار شوق اس سے کیا ہائے کیا کیا
راہ وفا کی سختیاں اے ہم نشیں نہ پوچھ
مرمر کے میں نے حق محبت ادا کیا
کب تک میں سہتا آپ کی یہ کم نگاہیاں
کی میں نے ترک آرزو تو کیا برا کیا
پہلے سکھائے نظروں کو آداب بندگی
پھر ان کے پائے ناز پہ سجدہ ادا کیا
میری ہنسی زمانہ اڑاتا نہ تھی مجال
وحشت میں اپنے حال پہ میں خود ہنسا کیا
کیا کیا دیے ہیں طعنے غم دل نے اس گھڑی
بھولے سے اس نے جب کوئی وعدہ وفا کیا
ساحرؔ بس اس قدر ہے تباہی کا ماجرا
وہ بے خبر بنے رہے اور میں مٹا کیا
شاعر: ساحر بھوپالی
آواز: نور مائیر
Ek Be-Wafa Ko Khugar-e-Jaur-o-Jafa Kiya
Ek be-wafa ko khugar-e-jaur-o-jafa kiya
Izhar-e-shauq us se kiya haaye kya kya kiya
Rah-e-wafa ki sakhtiyan ae ham-nisheen na poochh
Mar mar ke main ne haq-e-mohabbat ada kiya
Kab tak main sehta aap ki ye kam-nigahiyan
Ki main ne tark-e-aarzu to kya bura kiya
Pehle sikhaye nazron ko aadab-e-bandagi
Phir un ke paaye naz pe sajda ada kiya
Meri hansi zamana udata na thi majal
Wahshat mein apne haal pe main khud hansa kya
Kya kya diye hain ta'ne gham-e-dil ne us ghadi
Bhoole se us ne jab koi wada wafa kiya
Sahir bas is qadar hai tabahi ka majra
Woh be-khabar bane rahe aur main mita kya