گل کوئی عشق دی کر، پیار دا قصہ سُنا — آواز: نور مائیر | شاعر: ساغرصدیقی
مقرر / سپیکر
گل کوئی عشق دی کر، پیار دا قصہ سُنا
گل کوئی عشق دی کر، پیار دا قصہ سُنا
داستان منصور دی یا دار دا قصہ سُنا
چھڈ گُنجل دار زلفاں دی بجھارت شاعرا
اِنقلاب وقت دی جھنکار دا قصہ سُنا
اج وارث دے قلم دی سرسراہٹ نوں بلا
ابن قاسم دی جری تلوار دا قصہ سُنا
جتھے پی کے کجھ شرابی غیرتاں نئیں ویچدے
ساقیا اوس محفل سرشار دا قصہ سُنا
اج سوہنی تے گھڑے دے قول دا افسانہ لکھ
مڑ کے عزت بیگ دے اقرار دا قصہ سُنا
جتھے کھڑ کے پُھل امیداں دے نئیں کملاؤندے
اوس خزاں نا آشنا گلزار دا قصہ سُنا
چھیڑ ساغر ونجھلی تے دِل دا اِک انمول گیت
بن کے رانجھا حُسن دی سرکار دا قصہ سُنا
شاعر: ساغرصدیقی
آواز: نور مائیر
Gal koi ishq di kar, pyar da qissa suna
Gal koi ishq di kar, pyar da qissa suna
Dastaan Mansoor di ya daar da qissa suna
Chhad gunjal daar zulfan di bujharat shaaira
Inqilab waqt di jhankaar da qissa suna
Aj Waris de qalam di sarsarahat nun bula
Ibn Qasim di jari talwaar da qissa suna
Jithe pee ke kujh sharabi ghairatan nayin vechde
Saqiya os mehfil sarshaar da qissa suna
Aj Sohni te gharhe de qaul da afsana likh
Mur ke Izzat Baig de iqrar da qissa suna
Jithe khar ke phul ummeedan de nayin kumlaonde
Os khazaan na aashna gulzaar da qissa suna
Chher Saghar wanjhli te dil da ik anmol geet
Ban ke Ranjha husn di sarkar da qissa suna