ہر اک ہزار میں بس پانچ سات ہیں ہم لوگ — آواز: نور مائیر | شاعر: عمیر نجمی
مقرر / سپیکر
ہر اک ہزار میں بس پانچ سات ہیں ہم لوگ
ہر اک ہزار میں بس پانچ سات ہیں ہم لوگ
نصاب عشق پہ واجب زکوٰۃ ہیں ہم لوگ
دباؤ میں بھی جماعت کبھی نہیں بدلی
شروع دن سے محبت کے ساتھ ہیں ہم لوگ
جو سیکھنی ہو زبان سکوت بسم اللہ
خموشیوں کی مکمل لغات ہیں ہم لوگ
کہانیوں کے وہ کردار جو لکھے نہ گئے
خبر سے حذف شدہ واقعات ہیں ہم لوگ
یہ انتظار ہمیں دیکھ کر بنایا گیا
ظہور ہجر سے پہلے کی بات ہیں ہم لوگ
کسی کو راستہ دے دیں کسی کو پانی نہ دیں
کہیں پہ نیل کہیں پر فرات ہیں ہم لوگ
ہمیں جلا کے کوئی شب گزار سکتا ہے
سڑک پہ بکھرے ہوئے کاغذات ہیں ہم لوگ
شاعر: عمیر نجمی
آواز: نور مائیر
Har ek hazaar mein bas paanch saat hain hum log
Har ek hazaar mein bas paanch saat hain hum log
Nisaab-e-ishq pe wajib zakaat hain hum log
Dabaao mein bhi jamaat kabhi nahin badli
Shuru din se mohabbat ke saath hain hum log
Jo seekhni ho zaban-e-sukoot bismillah
Khamoshiyon ki mukammal lughaat hain hum log
Kahaniyon ke woh kirdaar jo likhe na gaye
Khabar se hazf shuda waqeat hain hum log
Yeh intizar hamein dekh kar banaya gaya
Zuhur-e-hijr se pehle ki baat hain hum log
Kisi ko rasta de dein kisi ko paani na dein
Kahin pe neel kahin par furaat hain hum log
Hamein jala ke koi shab guzar sakta hai
Sadak pe bikhre hue kaghazat hain hum log