ہجوم بے کسی کی وجہ لطف بیکراں پایا — آواز: نور مائیر | شاعر: حسرت موہانی
مقرر / سپیکر
ہجوم بے کسی کی وجہ لطف بیکراں پایا
ہجوم بے کسی کی وجہ لطف بیکراں پایا
کہ ہم نے آج اس نا مہرباں کو مہرباں پایا
مگر تھا رنگ بزم یار میں نیرنگ عالم کا
کسی کو سرنگوں دیکھا کسی کو شادماں پایا
ستم سمجھے ہوئے تھے ہم تری بے اعتنائی کو
مگر جب غور سے دیکھا تو اک لطف نہاں پایا
کسے فرصت تمہاری جستجو کے شوق بے حد سے
ابھی ہم نے کہاں ڈھونڈھا ابھی ہم نے کہاں پایا
نہ سمجھا بانی جور و جفا اس شوخ کو کوئی
کہ ہم نے جس کو پایا شکوہ سنج آسماں پایا
نہ پا سکتے کبھی پابند رہ کر قید ہستی میں
سو ہم نے بے نشاں ہو کر تجھے او بے نشاں پایا
حقیقت نالۂ دل سے کھلی غم ہائے پنہاں کی
سنا سوئے جرس جس نے نشان کارواں پایا
ہنسی عبرت بہت جب رنگ گل کی بے ثباتی نے
چمن میں عندلیب سادہ دل کو شادماں پایا
نہ جانے کوئی میری وضع رسوا پر کہ اے حسرتؔ
کمال عاشقی نے مجھ کو یکتائے زماں پایا
شاعر: حسرت موہانی
آواز: نور مائیر
Hujoom be-kasi ki wajah lutf-e-bekaran paya
Hujoom be-kasi ki wajah lutf-e-bekaran paya
Ke hum ne aaj us na-mehraban ko mehraban paya
Magar tha rang-e-bazm-e-yaar mein nairang-e-alam ka
Kisi ko sar-nigoon dekha kisi ko shadman paya
Sitam samjhe hue the hum teri be-ehtinai ko
Magar jab ghaur se dekha to ek lutf-e-nihan paya
Kise fursat tumhari justaju ke shauq be-hadd se
Abhi hum ne kahan dhundha abhi hum ne kahan paya
Na samjha bani-e-jaur-o-jafa is shokh ko koi
Ke hum ne jis ko paya shikwa-sanj-e-aasmaan paya
Na pa sakte kabhi paband reh kar qaid-e-hasti mein
So hum ne be-nishaan ho kar tujhe o be-nishaan paya
Haqeeqat nale dil se khuli gham haye pinhan ki
Suna su-e-jaras jis ne nishan-e-caravan paya
Hansi ibrat bahut jab rang-e-gul ki be-sabati ne
Chaman mein andaleeb-e-sada dil ko shadman paya
Na jaane koi meri vaz'a-e-ruswa par ke ae Hasrat!
Kamal-e-aashiqi ne mujh ko yaktaye zaman paya