جنون عشق کی رسم عجیب کیا کہنا — آواز: نور مائیر | شاعر: مجید امجد
مقرر / سپیکر
جنون عشق کی رسم عجیب کیا کہنا
جنون عشق کی رسم عجیب کیا کہنا
میں ان سے دور وہ میرے قریب کیا کہنا
یہ تیرگیٔ مسلسل میں ایک وقفۂ نور
یہ زندگی کا طلسم عجیب کیا کہنا
جو تم ہو برق نشیمن تو میں نشیمن برق
الجھ پڑے ہیں ہمارے نصیب کیا کہنا
ہجوم رنگ فراواں سہی مگر پھر بھی
بہار نوحۂ صد عندلیب کیا کہنا
ہزار قافلۂ زندگی کی تیرہ شبی
یہ روشنی سی افق کے قریب کیا کہنا
لرز گئی تری لو میرے ڈگمگانے سے
چراغ گوشۂ کوئے حبیب کیا کہنا
شاعر: مجید امجد
آواز: نور مائیر
Junoon-e-ishq ki rasm ajeeb kya kehna
Junoon-e-ishq ki rasm ajeeb kya kehna
Main un se door woh mere qareeb kya kehna
Yeh teeragi-e-musalsal mein ek waqfa-e-noor
Yeh zindagi ka tilism ajeeb kya kehna
Jo tum ho barq-nasheman to main nasheman-barq
Uljhe pade hain hamare naseeb kya kehna
Hujoom-e-rang farawaan sahi magar phir bhi
Bahar-e-nauha-e-sad andaleeb kya kehna
Hazaar qafila zindagi ki teerah shabi
Yeh roshni si ufaq ke qareeb kya kehna
Larz gai teri lau mere dagmagane se
Chiragh-e-gosha-e-kuy-e-habeeb kya kehna