کیا سوچتے ہو اب پھولوں کی رت بیت گئی رت بیت گئی — آواز: نور مائیر | شاعر: مجید امجد
مقرر / سپیکر
کیا سوچتے ہو اب پھولوں کی رت بیت گئی رت بیت گئی
کیا سوچتے ہو اب پھولوں کی رت بیت گئی رت بیت گئی
وہ رات گئی وہ بات گئی وہ ریت گئی رت بیت گئی
اک لہر اٹھی اور ڈوب گئے ہونٹوں کے کنول آنکھوں کے دیے
اک گونجتی آندھی وقت کی بازی جیت گئی رت بیت گئی
تم آ گئے میری باہوں میں کونین کی پینگیں جھول گئیں
تم بھول گئے، جینے کی جگت سے ریت گئی رت بیت گئی
پھر تیر کے میرے اشکوں میں گل پوش زمانے لوٹ چلے
پھر چھیڑ کے دل میں ٹیسوں کے سنگیت گئی رت بیت گئی
اک دھیان کے پاؤں ڈول گئے اک سوچ نے بڑھ کر تھام لیا
اک آس ہنسی اک یاد سنا کر گیت گئی رت بیت گئی
یہ لالہ و گل کیا پوچھتے ہو سب لطف نظر کا قصہ ہے
رت بیت گئی جب دل سے کسی کی پیت گئی رت بیت گئی
شاعر: مجید امجد
آواز: نور مائیر
Kya sochte ho ab phoolon ki rut beet gai rut beet gai
Kya sochte ho ab phoolon ki rut beet gai rut beet gai
Woh raat gai woh baat gai woh reet gai rut beet gai
Ek lehr uthi aur doob gaye honton ke kanwal aankhon ke diye
Ek goonjti aandhi waqt ki baazi jeet gai rut beet gai
Tum aa gaye meri bahon mein kaunain ki peingein jhool gain
Tum bhool gaye, jeene ki jugat se reet gai rut beet gai
Phir teer ke mere ashkon mein gul-posh zamane laut chale
Phir chheirh ke dil mein teeson ke sangeet gai rut beet gai
Ek dhyan ke paon dol gaye ek soch ne barh kar thaam liya
Ek aas hansi ek yaad suna kar geet gai rut beet gai
Yeh lala-o-gul kya poochhte ho sab lutf-e-nazar ka qissa hai
Rut beet gai jab dil se kisi ki peet gai rut beet gai