میرا محبوب آج میرے گھر آ گیا اے — آواز: نور مائیر | شاعر: قاسم کاہلوانہ
مقرر / سپیکر
میرا محبوب آج میرے گھر آ گیا اے
میرا محبوب آج میرے گھر آ گیا اے
دل دیوانے دا آج حوصلہ ویکھنڑاں اے
جہیڑیاں جگ راتے دی سولی اتے ٹنگیاں رہئیاں
انہاں آکھیں نوں ملدا صلہ ویکھنڑاں اے
سیج سدراں دی ریشم دے وانگوں ویچھا
اتے پھولاں دا تکیہ سجا چھوڑیا اے
خود قدماں اچ بیٹھاں میں ہتھ جوڑ کے
انہوں رنگلے پلنگ تے بہا چھوڑیا اے
دھکے دے کے دکھاں نوں چِک چھوڑیا اے
نال درداں دے تعلق توڑیا اے
متاں مہمان تک کے ناراض ہو پووے
سنجی غربت نوں گھر چوں بھجا چھوڑیا اے
مست نظراں چوں پی کے ڈولاندا پیاں
تائیں تو ڈھاندا پیاں
انہاں بانہیں دا آج آسرا ویکھنڑاں اے
جہیڑیاں جگ راتے دی سولی اتے ٹنگیاں رہئیاں
انہاں آکھیں نوں ملدا صلہ ویکھنڑاں اے
بزم ساقی دے رونق ودھاونڑ کیتے
راگ ایمن دی ٹھمری سناونڑ کیتے
حوراں لیکے ڈھولک رباب آ گئیاں
کجھ شرما کے پردے اچ لکیاں رہئیاں
کجھ احتراماً ادب توں جھکیاں رہئیاں
کجھ مستی دے وچ بے نقاب آ گئیاں
وقت نپ کے ضعیفی نوں کنڈ کر گیا
پریاں ہتھاں تے چا کے شباب آگئیاں
رکھ کے پلکاں دے تھال اچ ماضی دے ورقے
آکھاں آکھاں نوں دیونڑ حساب آ گئیاں
گلاب نرگس چنبیلی جھگڑدے رہے
چنبا ، مروا بھی کجھ دیر لڑدے رہے
ہر دی ضد آئی جو میں ناخدا ویکھنڑاں اے
جہیڑیاں جگ راتے دی سولی اتے ٹنگیاں رہئیاں
انہاں آکھیں نوں ملدا صلہ ویکھنڑاں اے
اونہدی آمد تو لکھ واری صدقے ونجاں
ایہو جملہ پکھو الیندے رہے
حسب توفیق لگدے بازاراں دے وچ
وصل ساڈے دے جھنڈے لویندے رہے
بندے حاسد وی ہوندین ہر شہر وچ
غلط سوچاں دا نقشہ بنڑیندے رہے
اونہدی دولت دا اعتراف کریندے رہے
میری غربت نوں پتھر مریندے رہے
جھاتی پا کے میں چیراں چوں باہر ڈھٹھا
ہر بشر دی زبان چوں سنڑی ہک صدا
اساں کُلی اچ بیٹھا ہویا شاہ ویکھنڑاں اے
جہیڑیاں جگ راتے دی سولی اتے ٹنگیاں رہئیاں
انہاں آکھیں نوں ملدا صلہ ویکھنڑاں اے
میرا محبوب بھولا تے سادا جیا
اے چالاکاں دا شہر ای توں باہر نہ جا
حسن تیرا بجا پر بنام خدا نہ زلفاں ہٹا
نہ جلوا وکھا توںوکھیں سیں ادا
ہوسی خلقت فنا نہ قیامت بنڑا نہ زرا مسکرا
اوہ چپ چاپ چِر تائیں سوچیندا ریہا
میں نپ کے موئیٹنڑ کھلوتا ریہا
باقی خلقت کجا، پنڈا کُٹے ہوا
نالے دیوے صدا، آکھے پردا ہٹا
آج میں قاسم ترا دلربا ویکھنڑاں اے
جہیڑیاں جگ راتے دی سولی اتے ٹنگیاں رہئیاں
انہاں آکھیں نوں ملدا صلہ ویکھنڑاں اے
شاعر: قاسم کاہلوانہ
آواز: نور مائیر
Mera mehboob aaj mere ghar aa gaya ae
Mera mehboob aaj mere ghar aa gaya ae
Dil deewane da aaj hausla vekhanraa ae
Jehriyaan jag raate di sooli utte tangiyaan rehiyan
Inhaan akkheen noon milda sila vekhanraa ae
Sej sadraan di resham de waangon wichhaaee
Utte phoolaan da takiya saja chhoriya ae
Khud qadmaan ach baitha main hath joorr ke
Inhaan rangle palang te behha chhoriya ae
Dhakke de ke dukhaan noon chikk chhoriya ae
Naal darda'an de talluq toriya ae
Mataan mehman tak ke naraaz ho poove
Sanji ghurbat noon ghar chon bhajaa chhoriya ae
Mast nazraan chon pi ke dolanda piyaan
Taain to dhahnda piyaan
Inhaan baahein da aaj aasra vekhanraa ae
Jehriyaan jag raate di sooli utte tangiyaan rehiyan
Inhaan akkheen noon milda sila vekhanraa ae
Bazm-e-saaqi de raunaq wadhaawanr keete
Raag eiman di thumri sunawanr keete
Hooraan le ke dholak rubaab aa gaiyaan
Kujh sharma ke parde ach lakiyaan rehiyan
Kujh ehtiraaman adab toon jhukkiyaan rehiyan
Kujh masti de wich be-naqaab aa gaiyaan
Waqt napp ke zaeefi noon kand kar gaya
Pariyan hathaan te cha ke shabab aa gaiyaan
Rakh ke palkaan de thaal ach maazi de waraqe
Akhaan akhaan noon dewanr hisaab aa gaiyaan
Gulaab nargis chambeeli jhagrde rahe
Chamba, marwa bhi kujh der larde rahe
Har di zidd aai jo main naakhuda vekhanraa ae
Jehriyaan jag raate di sooli utte tangiyaan rehiyan
Inhaan akkheen noon milda sila vekhanraa ae
Unhadi aamad to lakh wari sadqe wanjaan
Ehho jumla pakho aleende rahe
Hasb-e-taufeeq lagde bazaaraan de wich
Wasl saade de jhande laveende rahe
Bande haasid vi hoondeen har shehar wich
Ghalat socha'an da naqsha banreende rahe
Unhadi daulat da aitiraaf kareende rahe
Meri ghurbat noon patthar mareende rahe
Jhati paa ke main cheer'aan chon baahar dhitha
Har bashar di zabaan chon sunri hik sada
Asaan kulli ach baitha hoya shah vekhanraa ae
Jehriyaan jag raate di sooli utte tangiyaan rehiyan
Inhaan akkheen noon milda sila vekhanraa ae
Mera mehboob bhoola te saada jiya
Aye chaalakaan da shehar ai toon baahar na ja
Husn tera baja par ba-naam-e-Khuda na zulfan hata
Na jalwa wakhaa toon wakhi'aan seen adaa
Hosi khalqat fana na Qayamat banraan na zara muskura
Oh chup chaap chir taaein socheenda reha
Main napp ke muyittanr khilota reha
Baqi khalqat kuja, pannda kutte hoya
Naale deve sada, aakhe parda hata
Aaj main Qasim tera dilruba vekhanraa ae
Jehriyaan jag raate di sooli utte tangiyaan rehiyan
Inhaan akkheen noon milda sila vekhanraa ae