تتلیاں جگنو سبھی ہوں گے مگر دیکھے گا کون — آواز: نور مائیر | شاعر: نوشی گیلانی
مقرر / سپیکر
تتلیاں جگنو سبھی ہوں گے مگر دیکھے گا کون
تتلیاں جگنو سبھی ہوں گے مگر دیکھے گا کون
ہم سجا بھی لیں اگر دیوار و در دیکھے گا کون
اب تو ہم ہیں جاگنے والے تری خاطر یہاں
ہم نہ ہوں گے تو ترے شام و سحر دیکھے گا کون
جس کی خاطر ہم سخن سچائی کے رستے چلے
جب وہی اس کو نہ دیکھے تو ہنر دیکھے گا کون
سب نے اپنی اپنی آنکھوں پر نقابیں ڈال لیں
جو لکھا ہے شہر کی دیوار پر دیکھے گا کون
بے ستارہ زندگی کے گھر میں اب بھی رات کو
اک کرن تیرے خیالوں کی مگر دیکھے گا کون
شاعر: نوشی گیلانی
آواز: نور مائیر
Titliyan jugnoo sabhi honge magar dekhega kaun
Titliyan jugnoo sabhi honge magar dekhega kaun
Hum saja bhi lein agar deewar-o-dar dekhega kaun
Ab to hum hi hain jaagne wale teri khaatir yahan
Hum na honge to tere shaam-o-sehar dekhega kaun
Jis ki khaatir hum sukhan sachai ke raste chale
Jab wahi is ko na dekhe to hunar dekhega kaun
Sab ne apni apni aankhon par naqabein daal leen
Jo likha hai shehr ki deewar par dekhega kaun
Be-sitara zindagi ke ghar mein ab bhi raat ko
Ek kiran tere khayalon ki magar dekhega kaun