آج مے خانے میں نیت میری بھر جانے دے — آواز: افتخار احمد | شاعر: پیر نصیرالدین
مقرر / سپیکر
آج مے خانے میں نیت میری بھر جانے دے
آج مے خانے میں نیت میری بھر جانے دے
بادۂ ناب کے ساقی مجھے پیمانے دے
کس کو معلوم کہ کل کون رہے گا زندہ
آج رندوں کو ذرا پی کے بہک جانے دے
دیکھ اے دل نہ آنچ آئے وفا پر کوئی
جو بھی آتی ہے مصیبت میرے سر آنے دے
تجھ سے بھی دست و گریباں کبھی ہو گا واعظ
وحشیٔ عشق کو رنگ اور ذرا لانے دے
اے مرے دست جنوں بڑھ کے الٹ دے پردہ
حسن شرمانے پہ مائل ہے تو شرمانے دے
اک دو جام سے کیا پیاس بجھے گی ساقی
مے پلاتا ہے تو ایسے کئی پیمانے دے
عشق ہے عشق نصیرؔ ان سے شکایت کیسی
وہ جو تڑپانے پہ آمادہ ہیں تڑپانے دے
شاعر: پیر نصیرالدین
آواز: افتخار احمد
Aaj mai-khane mein niyat meri bhar jane de
Aaj mai-khane mein niyat meri bhar jane de
Bada-e-naab ke saqi mujhe paimane de
Kis ko maloom ke kal kaun rahe ga zinda
Aaj rindon ko zara pi ke behak jane de
Dekh ae dil na aanch aaye wafa par koi
Jo bhi aati hai museebat mere sar aane de
Tujh se bhi dast o gireban kabhi hoga waaiz
Wahshi-e-ishq ko rang aur zara laane de
Ae mere dast-e-junoon badh ke ulat de parda
Husn sharmane pe mail hai to sharmane de
Ek do jaam se kya pyas bujhe gi saqi
Mai pilata hai to aise kayi paimane de
Ishq hai ishq Naseer un se shikayat kaisi
Woh jo tadpane pe amada hain tadpane de
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں