دل کی بات لبوں پر لا کر اب تک ہم دکھ سہتے ہیں — آواز: افتخار احمد | شاعر: حبیب جالب
مقرر / سپیکر
دل کی بات لبوں پر لا کر اب تک ہم دکھ سہتے ہیں
دل کی بات لبوں پر لا کر اب تک ہم دکھ سہتے ہیں
ہم نے سنا تھا اس بستی میں دل والے بھی رہتے ہیں
بیت گیا ساون کا مہینہ موسم نے نظریں بدلیں
لیکن ان پیاسی آنکھوں سے اب تک آنسو بہتے ہیں
ایک ہمیں آوارہ کہنا کوئی بڑا الزام نہیں
دنیا والے دل والوں کو اور بہت کچھ کہتے ہیں
جن کی خاطر شہر بھی چھوڑا جن کے لیے بدنام ہوئے
آج وہی ہم سے بیگانے بیگانے سے رہتے ہیں
وہ جو ابھی اس راہ گزر سے چاک گریباں گزرا تھا
اس آوارہ دیوانے کو جالبؔ جالبؔ کہتے ہیں
شاعر: حبیب جالب
آواز: افتخار احمد
Dil ki baat labon par la kar ab tak hum dukh sehte hain
Dil ki baat labon par la kar ab tak hum dukh sehte hain
Hum ne suna tha is basti mein dil wale bhi rehte hain
Beet gaya sawan ka mahina mausam ne nazren badlin
Lekin un pyasi aankhon se ab tak aansu behte hain
Ek humein aawara kehna koi bada ilzaam nahin
Duniya wale dil walon ko aur bahut kuchh kehte hain
Jin ki khatir shahar bhi chhoda jin ke liye badnaam hue
Aaj wohi hum se begaane begaane se rehte hain
Woh jo abhi is rahguzar se chaak girebaan guzra tha
Is aawara deewane ko Jaalib Jaalib kehte hain
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں