گلے لگائیں کریں پیار تم کو عید کے دن — آواز: افتخار احمد | شاعر: اکبر اللہ آبادی
مقرر / سپیکر
گلے لگائیں کریں پیار تم کو عید کے دن
گلے لگائیں کریں پیار تم کو عید کے دن
ادھر تو آؤ مرے گلعذار عید کے دن
غضب کا حسن ہے آرائشیں قیامت کی
عیاں ہے قدرت پروردگار عید کے دن
سنبھل سکی نہ طبیعت کسی طرح میری
رہا نہ دل پہ مجھے اختیار عید کے دن
وہ سال بھر سے کدورت بھری جو تھی دل میں
وہ دور ہو گئی بس ایک بار عید کے دن
لگا لیا انہیں سینہ سے جوش الفت میں
غرض کہ آ ہی گیا مجھ کو پیار عید کے دن
کہیں ہے نغمۂ بلبل کہیں ہے خندۂ گل
عیاں ہے جوش شباب بہار عید کے دن
سویاں دودھ شکر میوہ سب مہیا ہے
مگر یہ سب ہے مجھے ناگوار عید کے دن
ملے اگر لب شیریں کا تیرے اک بوسہ
تو لطف ہو مجھے البتہ یار عید کے دن
شاعر: اکبر اللہ آبادی
آواز: افتخار احمد
Gale lagayen karein pyaar tum ko Eid ke din
Gale lagayen karein pyaar tum ko Eid ke din
Idhar to aao mere gul-azaaar Eid ke din
Ghazab ka husn hai aaraishein qayamat ki
Ayaan hai qudrat-e-parwardigaar Eid ke din
Sambhal saki na tabiyat kisi tarah meri
Raha na dil pe mujhe ikhtiyaar Eid ke din
Woh saal bhar se kudurat bhari jo thi dil mein
Woh door ho gayi bas ek baar Eid ke din
Laga liya unhein seena se josh-e-ulfat mein
Gharaz ke aa hi gaya mujh ko pyaar Eid ke din
Kahin hai naghma-e-bulbul kahin hai khanda-e-gul
Ayaan hai josh-e-shabab-e-bahar Eid ke din
Sawayyan doodh shakar mewa sab muhaiyya hai
Magar yeh sab hai mujhe naagawar Eid ke din
Mile agar lab-e-shireen ka tere ik bosa
To lutf ho mujhe albattah yaar Eid ke din
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں