امتحان شوق میں ثابت قدم ہوتا نہیں — آواز: افتخار احمد | شاعر: کلیم عاجز
مقرر / سپیکر
امتحان شوق میں ثابت قدم ہوتا نہیں
امتحان شوق میں ثابت قدم ہوتا نہیں
عشق جب تک واقف آداب غم ہوتا نہیں
ان کی خاطر سے کبھی ہم مسکرا اٹھے تو کیا
مسکرا لینے سے دل کا درد کم ہوتا نہیں
جو ستم ہم پر ہے اس کی نوعیت کچھ اور ہے
ورنہ کس پر آج دنیا میں ستم ہوتا نہیں
تم جہاں ہو بزم بھی ہے شمع بھی پروانہ بھی
ہم جہاں ہوتے ہیں یہ ساماں بہم ہوتا نہیں
رات بھر ہوتی ہیں کیا کیا انجمن آرائیاں
شمع کا کوئی شریک صبح غم ہوتا نہیں
مانگتا ہے ہم سے ساقی قطرے قطرے کا حساب
غیر سے کوئی حساب بیش و کم ہوتا نہیں
شاعر: کلیم عاجز
آواز: افتخار احمد
Imtihan-e-shauq mein sabit qadam hota nahin
Imtihan-e-shauq mein sabit qadam hota nahin
Ishq jab tak waqif-e-ādāb-e-gham hota nahin
Un ki khātir se kabhi hum muskura uṭhe to kya
Muskura lene se dil ka dard kam hota nahin
Jo sitam hum par hai us ki nau'iyat kuchh aur hai
Warna kis par aaj duniya mein sitam hota nahin
Tum jahan ho bazm bhi hai sham'a bhi parwana bhi
Hum jahan hote hain yeh saman baham hota nahin
Raat bhar hoti hain kya kya anjuman aaraaiyan
Sham'a ka koi shareek-e-subh-e-gham hota nahin
Maangta hai hum se saqi qatre qatre ka hisab
Gair se koi hisab-e-besh o kam hota nahin
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں