عشق نے جکڑا ہے مجھ کو اس کڑی زنجیر سے — آواز: افتخار احمد | شاعر: پیر نصیرالدین
مقرر / سپیکر
عشق نے جکڑا ہے مجھ کو اس کڑی زنجیر سے
عشق نے جکڑا ہے مجھ کو اس کڑی زنجیر سے
جس کے حلقے کھل نہیں سکتے کسی تدبیر سے
اور ہی کچھ ہو شب فرقت کے کٹنے کی سبیل
دل تصور سے بہلتا ہے نہ اب تصویر سے
خط اسے مت کہہ یہ لکھا ہے مری تقدیر کا
دل کو ہے اک ربط تیری شوخیٔ تحریر سے
زندگی بھر اک سہانا خواب ہم دیکھا کئے
تیری صورت مل گئی اس خواب کی تعبیر سے
اس نگاہ ناز پر صدقے دل و جاں ہو گئے
آپ نے دیکھا نشانے دو اڑے اک تیر سے
اب تو بس دو ہچکیوں کی بات باقی رہ گئی
آپ نے پوچھا مجھے لیکن بڑی تاخیر سے
غم کی تنہائی کے سناٹے میں تنہا تھا نصیرؔ
تھا تو کھو جاتا مگر تم مل گئے تقدیر سے
شاعر: پیر نصیرالدین
آواز: افتخار احمد
Ishq ne jakda hai mujh ko is kadi zanjeer se
Ishq ne jakda hai mujh ko is kadi zanjeer se
Jis ke halqe khul nahin sakte kisi tadbeer se
Aur hi kuch ho shab-e-furqat ke katne ki sabeel
Dil tasawwur se behalta hai na ab tasveer se
Khat use mat keh yeh likha hai meri taqdeer ka
Dil ko hai ek rabt teri shokhi-e-tehreer se
Zindagi bhar ek suhana khwab hum dekha kiye
Teri soorat mil gayi us khwab ki ta'abeer se
Is nigaah-e-naaz par sadqe dil-o-jaan ho gaye
Aap ne dekha nishane do ude ek teer se
Ab to bas do hichkiyon ki baat baaqi reh gayi
Aap ne poocha mujhe lekin badi taakheer se
Gham ki tanhai ke sannate mein tanha tha Naseer!
Tha to kho jaata magar tum mil gaye taqdeer se
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں