مگر اس کو فریب نرگس مستانہ آتا ہے — آواز: افتخار احمد | شاعر: حیدر علی آتش
مقرر / سپیکر
مگر اس کو فریب نرگس مستانہ آتا ہے
مگر اس کو فریب نرگس مستانہ آتا ہے
الٹتی ہیں صفیں گردش میں جب پیمانہ آتا ہے
نہایت دل کو ہے مرغوب بوسہ خال مشکیں کا
دہن تک اپنے کب تک دیکھیے یہ دانہ آتا ہے
خوشی سے اپنی رسوائی گوارا ہو نہیں سکتی
گریباں پھاڑتا ہے تنگ جب دیوانہ آتا ہے
فراق یار میں دل پر نہیں معلوم کیا گزری
جو اشک آنکھوں میں آتا ہے سو بیتابانہ آتا ہے
بگولے کی طرح کس کس خوشی سے خاک اڑاتا ہوں
تلاش گنج میں جو سامنے ویرانہ آتا ہے
سمجھتے ہیں مرے دل کی وہ کیا نافہم و ناداں ہیں
حضور شمع بے مطلب نہیں پروانہ آتا ہے
طلب دنیا کو کر کے زن مریدی ہو نہیں سکتی
خیال آبروئے ہمت مردانہ آتا ہے
ہمیشہ فکر سے یاں عاشقانہ شعر ڈھلتے ہیں
زباں کو اپنی بس اک حسن کا افسانہ آتا ہے
تماشا گاہ ہستی میں عدم کا دھیان ہے کس کو
کسے اس انجمن میں یاد خلوت خانہ آتا ہے
صبا کی طرح ہر اک غیرت گل سے ہیں لگ چلتے
محبت ہے سرشت اپنی ہمیں یارانہ آتا ہے
زیارت ہوگی کعبہ کی یہی تعبیر ہے اس کی
کئی شب سے ہمارے خواب میں بت خانہ آتا ہے
خیال آیا ہے آئینہ کا منہ اس میں وہ دیکھیں گے
اب الجھے بال سکھلانے کی خاطر شانہ آتا ہے
پھنسا دیتا ہے مرغ دل کو دام زلف پیچاں میں
تمہارے خال رخ کو بھی فریب دانہ آتا ہے
عتاب و لطف جو فرماؤ ہر صورت سے راضی ہیں
شکایت سے نہیں واقف ہمیں شکرانہ آتا ہے
خدا کا گھر ہے بت خانہ ہمارا دل نہیں آتشؔ
مقام آشنا ہے یاں نہیں بیگانہ آتا ہے
شاعر: حیدر علی آتش
آواز: افتخار احمد
Magar us ko fareb-e-nargis-e-mastana aata hai
Magar us ko fareb-e-nargis-e-mastana aata hai
Ulat-ti hain safain gardish mein jab paimana aata hai
Nihayat dil ko hai marghoob bosa-e-khaal-e-mushkeen ka
Dahan tak apne kab tak dekhiye ye dana aata hai
Khushi se apni ruswai gawara ho nahin sakti
Gireban phaadta hai tang jab deewanana aata hai
Firaaq-e-yaar mein dil par nahin maloom kya guzri
Jo ashk aankhon mein aata hai so betaabana aata hai
Bagule ki tarah kis kis khushi se khak udata hoon
Talaash-e-ganj mein jo samne veerana aata hai
Samajhte hain mere dil ki wo kya na-fehm o nadaan hain
Huzoor-e-shama be matlab nahin parwana aata hai
Talab-e-duniya ko kar ke zan mureedi ho nahin sakti
Khayal-e-aabroo-e-himmat-e-mardana aata hai
Hamesha fikr se yaan aashiqana sher dhalte hain
Zaban ko apni bas ek husn ka afsana aata hai
Tamasha-gah-e-hasti mein adam ka dhyan hai kis ko
Kise is anjuman mein yaad-e-khalwat khana aata hai
Saba ki tarah har ek ghairat-e-gul se hain lag chalte
Mohabbat hai sarisht apni humein yarana aata hai
Ziyarat hogi Kaaba ki yehi taabeer hai us ki
Kayi shab se hamare khwab mein but-khana aata hai
Khayal aaya hai aaina ka munh us mein wo dekhenge
Ab uljhe baal sukhlane ki khatir shana aata hai
Phansa deta hai murgh-e-dil ko daam-e-zulf-e-peechaan mein
Tumhare khaal-e-rukh ko bhi fareb-e-dana aata hai
Itaab o lutf jo farmao har soorat se raazi hain
Shikayat se nahin waqif humein shukrana aata hai
Khuda ka ghar hai but-khana hamara dil nahin Atish!
Maqaam ashna hai yaan nahin begana aata hai
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں