میری اک چھوٹی سی کوشش تجھ کو پانے کے لیے — آواز: افتخار احمد | شاعر: ظفرگورکھپوری
مقرر / سپیکر
میری اک چھوٹی سی کوشش تجھ کو پانے کے لیے
میری اک چھوٹی سی کوشش تجھ کو پانے کے لیے
بن گئی ہے مسئلہ سارے زمانے کے لیے
ریت میری عمر میں بچہ نرالے میرے کھیل
میں نے دیواریں اٹھائی ہیں گرانے کے لیے
وقت ہونٹوں سے مرے وہ بھی کھرچ کر لے گیا
اک تبسم جو تھا دنیا کو دکھانے کے لیے
آسماں ایسا بھی کیا خطرہ تھا دل کی آگ سے
اتنی بارش ایک شعلے کو بجھانے کے لیے
چھت ٹپکتی تھی اگرچہ پھر بھی آ جاتی تھی نیند
میں نئے گھر میں بہت رویا پرانے کے لیے
دیر تک ہنستا رہا ان پر ہمارا بچپنا
تجربے آئے تھے سنجیدہ بنانے کے لیے
میں ظفرؔ تا زندگی بکتا رہا پردیس میں
اپنی گھر والی کو اک کنگن دلانے کے لیے
شاعر: ظفرگورکھپوری
آواز: افتخار احمد
Meri ek chhoti si koshish tujh ko paane ke liye
Meri ek chhoti si koshish tujh ko paane ke liye
Ban gayi hai masla sare zamane ke liye
Ret meri umr mein bacha nirale mere khel
Maine deewarein uthayi hain girane ke liye
Waqt honton se mere woh bhi khurach kar le gaya
Ek tabassum jo tha duniya ko dikhane ke liye
Aasmaan aisa bhi kya khatra tha dil ki aag se
Itni barish ek shole ko bujhane ke liye
Chhat tapakti thi agarcha phir bhi aa jati thi neend
Main naye ghar mein bahut roya purane ke liye
Der tak hansta raha in par hamara bachpana
Tajurbe aaye the sanjeeda banane ke liye
Main Zafar ta zindagi bikta raha pardes mein
Apni ghar wali ko ek kangan dilane ke liye
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں