پلٹ کر پھر کبھی اُس نے پُکارا ہی نہیں ہے — آواز: افتخار احمد | شاعر: نوشی گیلانی
مقرر / سپیکر
پلٹ کر پھر کبھی اُس نے پُکارا ہی نہیں ہے
پلٹ کر پھر کبھی اُس نے پُکارا ہی نہیں ہے
وہ جس کی یاد سے دل کو کنارا ہی نہیں ہے
محّبت کھیل ایسا تو نہیں ہم لَوٹ جائیں
کہ اِس میں جیت بھی ہو گی خسارا ہی نہیں ہے
کبھی وہ جگنوؤں کو مُٹھیوں میں قید کرنا
مگر اب تو ہمیں یہ سب گوارا ہی نہیں ہے
اب اس کے خال و خد کا ذکر کیا کرتے کِسی سے
کہ ہم پر آج تک وہ آشکارا ہی نہیں ہے
یہ خواہش تھی کہ ہم کُچھ دُور تک تو ساتھ چلتے
ستاروں کا مگر کوئی اِشارا ہی نہیں ہے
بہت سے زخم کھانے دل نے آخر طے کیا ہے
تمھارے شہر میں اپنا گزارا ہی نہیں ہے
شاعر: نوشی گیلانی
آواز: افتخار احمد
Palat kar phir kabhi us ne pukara hi nahin hai
Palat kar phir kabhi us ne pukara hi nahin hai
Woh jis ki yaad se dil ko kinara hi nahin hai
Mohabbat khel aisa to nahin hum laut jaayen
Ke is mein jeet bhi hogi khasara hi nahin hai
Kabhi woh jugnuon ko mutthiyon mein qaid karna
Magar ab to hamein yeh sab gawara hi nahin hai
Ab us ke khaal-o-khad ka zikr kya karte kisi se
Ke hum par aaj tak woh aashkara hi nahin hai
Yeh khwahish thi ke hum kuch door tak to saath chalte
Sitaron ka magar koi ishara hi nahin hai
Bahut se zakhm khaane dil ne aakhir tay kiya hai
Tumhare shahr mein apna guzara hi nahin hai
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں