ستاروں سے بھرا یہ آسماں کیسا لگے گا — آواز: افتخار احمد | شاعر: افتخارعارف
مقرر / سپیکر
ستاروں سے بھرا یہ آسماں کیسا لگے گا
ستاروں سے بھرا یہ آسماں کیسا لگے گا
ہمارے بعد تم کو یہ جہاں کیسا لگے گا
تھکے ہارے ہوئے سورج کی بھیگی روشنی میں
ہواؤں سے الجھتا بادباں کیسا لگے گا
جمے قدموں کے نیچے سے پھسلتی جائے گی ریت
بکھر جائے گی جب عمر رواں کیسا لگے گا
اسی مٹی میں مل جائے گی پونجی عمر بھر کی
گرے گی جس گھڑی دیوار جاں کیسا لگے گا
بہت اترا رہے ہو دل کی بازی جیتنے پر
زیاں بعد از زیاں بعد از زیاں کیسا لگے گا
وہ جس کے بعد ہوگی اک مسلسل بے نیازی
گھڑی بھر کا وہ سب شور و فغاں کیسا لگے گا
ابھی سے کیا بتائیں مرگ مجنوں کی خبر پر
سلوک کوچۂ نا مہرباں کیسا لگے گا
بتاؤ تو سہی اے جان جاں کیسا لگے گا
ستاروں سے بھرا یہ آسماں کیسا لگے گا
شاعر: افتخارعارف
آواز: افتخار احمد
Sitaron Se Bhara Yeh Aasman Kaisa Lagega
Sitaron se bhara yeh aasmaan kaisa lagega
Hamare baad tum ko yeh jahaan kaisa lagega
Thake haare hue suraj ki bheegi roshni mein
Hawaon se ulajhta baadbbaan kaisa lagega
Jame qadmon ke neeche se phisalti jaayegi ret
Bikhar jaayegi jab umar-e-rawan kaisa lagega
Usi mitti mein mil jaayegi poonji umar bhar ki
Giregi jis ghadi deewar-e-jaan kaisa lagega
Bahut itra rahe ho dil ki baazi jeetne par
Ziyaan ba'd-az-ziyaan ba'd-az-ziyaan kaisa lagega
Woh jis ke baad hogi ek musalsal be-niyazi
Ghadi bhar ka woh sab shor-o-fughan kaisa lagega
Abhi se kya batayen marg-e-Majnun ki khabar par
Sulook-e-koocha-e-na-mehrbaan kaisa lagega
Batao to sahi aye jaan-e-jaan kaisa lagega
Sitaron se bhara yeh aasmaan kaisa lagega
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں