وقت کی سل دب گئی دیوار میں در آ گئے — آواز: افتخار احمد | شاعر: دلاور علی آزر
مقرر / سپیکر
وقت کی سل دب گئی دیوار میں در آ گئے
وقت کی سل دب گئی دیوار میں در آ گئے
چند موسم بیتنے کے بعد سب گھر آ گئے
میں بہت محتاط تھا لیکن ہوائے شوق سے
دل کا دروازہ کھلا اور خواب اندر آ گئے
میرے خوابوں میں نہ جانے کس کی لو شامل ہوئی
میری آنکھوں میں نہ جانے کس کے منظر آ گئے
سوچتے ہی سوچتے ہم پر کھلے لہروں کے بھید
دیکھتے ہی دیکھتے دریا پلٹ کر آ گئے
زندگی نے ہاتھ کھینچا سانس کی تفہیم سے
اور یوں الزام سارے موت کے سر آ گئے
ان کے رنگ سرخ پر حیران ہوں خود بھی جو اشک
آنکھ اندر کی طرف کھلتے ہی باہر آ گئے
جانے ان رستوں پہ کیا گزرے گی آزرؔ صبح تک
شام سے پہلے ہی ہم آوارگاں گھر آ گئے
شاعر: دلاور علی آزر
آواز: افتخار احمد
Waqt ki sil dab gai deewar mein dar aa gaye
Waqt ki sil dab gai deewar mein dar aa gaye
Chand mausam bitne ke baad sab ghar aa gaye
Main bahut mohtat tha lekin hawaye shauq se
Dil ka darwaza khula aur khwab andar aa gaye
Mere khwabon mein na jaane kis ki lau shamil hui
Meri aankhon mein na jaane kis ke manzar aa gaye
Sochte hi sochte hum par khule lehron ke bhed
Dekhte hi dekhte darya palat kar aa gaye
Zindagi ne haath kheenchha saans ki tafheem se
Aur yun ilzaam saare maut ke sar aa gaye
In ke rang surkh par hairan hoon khud bhi jo ashk
Aankh andar ki taraf khulte hi bahar aa gaye
Jaane in raston pe kya guzregi Azar subah tak
Sham se pehle hi hum awargaan ghar aa gaye
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں