یہ فیصلہ تو بہت غیر منصفانہ لگا — آواز: افتخار احمد | شاعر: مظفر وارثی
مقرر / سپیکر
یہ فیصلہ تو بہت غیر منصفانہ لگا
یہ فیصلہ تو بہت غیر منصفانہ لگا
ہمارا سچ بھی عدالت کو باغیانہ لگا
ہمارے خون سے بھی اس کی خوشبوئیں پھوٹیں
ہمیں تو قتل بھی کر کے وہ بے وفا نہ لگا
لگائی آگ بھی اس اہتمام سے اس نے
ہمارا جلتا ہوا گھر نگار خانہ لگا
ہم اتنا روح کی گہرائیوں کے عادی تھے
کہ ڈوبتا ہوا دل ڈوبتا ہوا نہ لگا
یہ خام مال ملے گا بہت ہی کم داموں
لہو ہو جس کی ضرورت وہ کارخانہ لگا
کسی بھی شخص سے جب اس کی خیریت پوچھی
تو اپنا لہجۂ پرسش بھی تازیانہ لگا
یہ کون لوگ مظفرؔ کی کر رہے تھے برائی
ملے ہیں ہم بھی بہت ہم کو وہ برا نہ لگا
شاعر: مظفر وارثی
آواز: افتخار احمد
Yeh faisla to bohot ghair munsifana laga
Yeh faisla to bohot ghair munsifana laga
Hamara sach bhi adalat ko baghiyana laga
Hamare khoon se bhi uski khushbuyein phooti
Hamein to qatl bhi kar ke wo bewafa na laga
Lagayi aag bhi is ehtemam se usne
Hamara jalta hua ghar nigaar khana laga
Hum itna rooh ki gehraiyon ke aadi the
Ke doobta hua dil doobta hua na laga
Yeh khaam maal milega bohot hi kam daamon
Lahoo ho jis ki zarurat wo karkhana laga
Kisi bhi shakhs se jab uski khairiyat poochhi
To apna lahja pursish bhi taziyana laga
Yeh kon log Muzaffar ki kar rahe the burai
Mile hain hum bhi bohot hum ko wo bura na laga
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں