یہ نام ممکن نہیں رہے گا مقام ممکن نہیں رہے گا — آواز: افتخار احمد | شاعر: نوشی گیلانی
مقرر / سپیکر
یہ نام ممکن نہیں رہے گا مقام ممکن نہیں رہے گا
یہ نام ممکن نہیں رہے گا مقام ممکن نہیں رہے گا
غرور لہجے میں آ گیا تو کلام ممکن نہیں رہے گا
یہ برف موسم جو شہر جاں میں کچھ اور لمحے ٹھہر گیا تو
لہو کا دل کی کسی گلی میں قیام ممکن نہیں رہے گا
تم اپنی سانسوں سے میری سانسیں الگ تو کرنے لگے ہو لیکن
جو کام آساں سمجھ رہے ہو وہ کام ممکن نہیں رہے گا
وفا کا کاغذ تو بھیگ جائے گا بد گمانی کی بارشوں میں
خطوں کی باتیں تو خواب ہوں گی پیام ممکن نہیں رہے گا
یہ ہم محبت میں لا تعلق سے ہو رہے ہیں تو دیکھ لینا
دعائیں تو خیر کون دے گا سلام ممکن نہیں رہے گا
شاعر: نوشی گیلانی
آواز: افتخار احمد
Yeh naam mumkin nahin rahega maqaam mumkin nahin rahega
Yeh naam mumkin nahin rahega maqaam mumkin nahin rahega
Guroor lehje mein aa gaya to kalaam mumkin nahin rahega
Yeh barf mausam jo shehr-e-jaan mein kuch aur lamhe thehar gaya to
Lahu ka dil ki kisi gali mein qayaam mumkin nahin rahega
Tum apni saanson se meri saansein alag to karne lage ho lekin
Jo kaam aasaan samajh rahe ho woh kaam mumkin nahin rahega
Wafa ka kaghaz to bheeg jaayega bad-gumani ki barishon mein
Khaton ki baatein to khwab hon gi payaam mumkin nahin rahega
Yeh hum mohabbat mein la-ta'alluq se ho rahe hain to dekh lena
Duaein to khair kaun dega salaam mumkin nahin rahega
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں