ذرے ہی سہی کوہ سے ٹکرا تو گئے ہم — آواز: افتخار احمد | شاعر: حبیب جالب
مقرر / سپیکر
ذرے ہی سہی کوہ سے ٹکرا تو گئے ہم
ذرے ہی سہی کوہ سے ٹکرا تو گئے ہم
دل لے کے سر عرصۂ غم آ تو گئے ہم
اب نام رہے یا نہ رہے عشق میں اپنا
روداد وفا دار پہ دہرا تو گئے ہم
کہتے تھے جو اب کوئی نہیں جاں سے گزرتا
لو جاں سے گزر کر انہیں جھٹلا تو گئے ہم
جاں اپنی گنوا کر کبھی گھر اپنا جلا کر
دل ان کا ہر اک طور سے بہلا تو گئے ہم
کچھ اور ہی عالم تھا پس چہرۂ یاراں
رہتا جو یونہی راز اسے پا تو گئے ہم
اب سوچ رہے ہیں کہ یہ ممکن ہی نہیں ہے
پھر ان سے نہ ملنے کی قسم کھا تو گئے ہم
اٹھیں کہ نہ اٹھیں یہ رضا ان کی ہے جالبؔ
لوگوں کو سر دار نظر آ تو گئے ہم
شاعر: حبیب جالب
آواز: افتخار احمد
Zarre hi sahi koh se takra to gaye hum
Zarre hi sahi koh se takra to gaye hum
Dil le ke sar-e-arasa-e-gham aa to gaye hum
Ab naam rahe ya na rahe ishq mein apna
Roodad-e-wafa daar pe dohra to gaye hum
Kehte thhe jo ab koi nahin jaan se guzarta
Lo jaan se guzar kar unhein jhuthla to gaye hum
Jaan apni ganwa kar kabhi ghar apna jala kar
Dil un ka har ik taur se behla to gaye hum
Kuchh aur hi aalam thha pas chehra yaraan
Rehta jo yoonhi raaz use paa to gaye hum
Ab soch rahe hain ke yeh mumkin hi nahin hai
Phir un se na milne ki qasam kha to gaye hum
Uthein ke na uthein yeh raza un ki hai Jalib
Logon ko sar-e-daar nazar aa to gaye hum
مقرر کے بارے میں
صحافی، اسٹیبلشمنٹ کا ناقد، باقاعدگی سے ٹیکس دہندہ اور بائیں بازو سے وابستہ سیاسی کارکن۔ فطرت سے گہرا شغف رکھتا ہوں ۔ اپنے خیالات خود قلم بند کرتا ہوں، ری ٹویٹس کو تائید یا حمایت نہ سمجھا جائے۔
مکمل سوانح دیکھیں