اسی سے ہوتا ہے ظاہر جو حال درد کا ہے — آواز: ملک | شاعر: فرحت عباس شاہ
مقرر / سپیکر
اسی سے ہوتا ہے ظاہر جو حال درد کا ہے
اسی سے ہوتا ہے ظاہر جو حال درد کا ہے
سبھی کو کوئی نہ کوئی وبال درد کا ہے
سحر سِسکتے ہوئے آسمان سے اُتری
تو دل نے جان لیا یہ بھی سال درد کا ہے
اب اس کے بعد کوئی رابطہ نہیں رکھنا
یہ بات طے ہوئی لیکن سوال درد کا ہے
یہ دل، یہ اُجڑی ہوئی چشمِ نم، یہ تنہائی
ہمارے پاس تو جو بھی ہے مال درد کا ہے
یہ جھانک لیتی ہے دل سے جو دوسرے دل میں
میری نگاہ میں سارا کمال درد کا ہے
اسیر ہے میری شاخ نصیب پت جھڑ میں
میرے پرندۂ دل پر بھی جال درد کا ہے
بدل گئے میرے حالات دل تو کیا ہو گا
یہ ایسی بات ہے جس میں زوال درد کا ہے
دلوں پہ زندہ تھا دل ہی نہیں رہے ہیں یہاں
اب ایسے شہر میں جینا محال درد کا ہے
جمود توڑتی آنکھیں، سکوت توڑتے لب
یہ ناک نقشہ یہ سب خدّ و خال درد کا ہے
سُنا ہے تیرے نگر جا بسا ہے بیچارا
سُناؤ کیسا وہاں حال چال درد کا ہے
وگرنہ خار و خزاں کے سوا نہیں کچھ بھی
بس ایک پھول میری ڈال ڈال درد کا ہے
اُکھڑتی جاتی ہے دیوانہ وار ایڑیوں سے
زمینِ جاں پہ ہماری دھمال درد کا ہے
فقیر بیٹھے ہوئے ہیں بہت سکون سے ہم
تیری جدائی کی کُٹیا ہے پیال درد کا ہے
کہ ہم نے کس کے لیے جاں عذاب میں ڈالی
ہمیں تو آج بھی خود سے ملال درد کا ہے
ہمارے سینے میں دل کی جگہ پہ پتھر ہے
اِسی لیے تو یہاں ایسا کال درد کا ہے
تہاری چاہ نے ڈھونڈی تھی میری آبادی
یہ گھاؤ سینے کی بستی میں کھال درد کا ہے
یہ عشق ہے اِسے تیمار داریاں کیسی
اسے نہ پوچھ یہ بوڑھا نڈھال درد کا ہے
ہم اس کو دیکھتے جاتے ہیں، روتے جاتے ہیں
یہ صحنِ شب میں پڑا ہے جو تھال درد کا ہے
نہ تم میں سکھ کی کوئی بات ہے نہ مجھے میں ہے
تمہارا اور میرا ملنا وصال درد کا ہے
ابھی کہیں سے کڑی کوئی بھی نہیں ٹوٹی
ابھی تو سلسلہ سارا بحال درد کا ہے
میری طرف سے گزر کا خیال رہنے دو
یہ راستہ بھی بہت پائمال درد کا ہے
دل و نظر تو رہیں گے سکون میں لیکن
شب فراق مجھے احتمال درد کا ہے
کسی کا درد ہو اپنا سمجھنے لگتے ہیں
ہمارے پاس یہی کچھ ماٌل درد کا ہے
یہیں کہیں میرے اندر کوئی تڑپتا ہے
یہیں کہیں پہ کوئی یرغمال درد کا ہے
اسی لیے تو ہمیں عجز کا قرینہ ہے
ہماری ذات میں جاہ و جلال درد کا ہے
ہے مار رکھنے کے در پئے تری مسیحائی
جو دوڑا پھرتا ہے مَن میں غزال درد کا ہے
وہیں کہیں کسی گھاٹی میں تیرا ہجر بھی ہے
میرے لہُو سے جہاں اِتصال درد کا ہے
نفس نفس پہ پڑے آبلوں سے لگتا ہے
نہ جانے روح میں کب سے اُبال درد کا ہے
یہی تو فرق ہے ان میں اور آپ میں فرحت
کسی کو اپنا کسی کو خیال درد کا ہے
کسی نے پوچھا کہ فرحت بہت حسین ہو تم
تو مُسکرا کے کہا سب جمال درد کا ہے
شاعر: فرحت عباس شاہ
آواز: ملک
Isi se hota hai zaahir jo haal dard ka hai
Isi se hota hai zaahir jo haal dard ka hai
Sabhi ko koi na koi wabaal dard ka hai
Sehar sisakte hue aasmaan se utri
To dil ne jaan liya yeh bhi saal dard ka hai
Ab is ke baad koi rabta nahin rakhna
Yeh baat tay hui lekin sawaal dard ka hai
Yeh dil, yeh ujdi hui chashm-e-nam, yeh tanhai
Humare paas to jo bhi hai maal dard ka hai
Yeh jhaank leti hai dil se jo doosre dil mein
Meri nigah mein saara kamaal dard ka hai
Aseer hai meri shakh-e-naseeb pat jhaD mein
Mere parinde dil par bhi jaal dard ka hai
Badal gaye mere halaat dil to kya hoga
Yeh aisi baat hai jis mein zawaal dard ka hai
Dilon pe zinda tha dil hi nahin rahe hain yahan
Ab aise shahar mein jeena muhal dard ka hai
Jamood toDti aankhen, sukoot toDte lab
Yeh naak naqsha yeh sab khadd-o-khaal dard ka hai
Suna hai tere nagar ja basa hai bechara
Sunaao kaisa wahan haal chaal dard ka hai
Wagarna khaar-o-khizan ke siwa nahin kuchh bhi
Bas ek phool meri daal daal dard ka hai
Ukhadti jaati hai deewana-waar eediyon se
Zameen-e-jaan pe humari dhamaal dard ka hai
Faqeer baithe hue hain bahut sukoon se hum
Teri judaai ki kutiya hai pyaal dard ka hai
Ke hum ne kis ke liye jaan azaab mein dali
Hamein to aaj bhi khud se malaal dard ka hai
Humare seene mein dil ki jagah pe patthar hai
Isi liye to yahan aisa kaal dard ka hai
Tumhari chah ne dhundhi thi meri aabaadi
Yeh ghaao seene ki basti mein khaal dard ka hai
Yeh ishq hai ise teemaar-dariyaan kaisi
Ise na pooch yeh boodha nidhaal dard ka hai
Hum is ko dekhte jaate hain, rote jaate hain
Yeh sehn-e-shab mein pada hai jo thal dard ka hai
Na tum mein sukh ki koi baat hai na mujh mein hai
Tumhara aur mera milna wisaal dard ka hai
Abhi kahin se kadi koi bhi nahin tooti
Abhi to silsila saara bahal dard ka hai
Meri taraf se guzar ka khayal rahne do
Yeh raasta bhi bahut paimal dard ka hai
Dil-o-nazar to rahenge sukoon mein lekin
Shab-e-firaq mujhe ihtimaal dard ka hai
Kisi ka dard ho apna samajhne lagte hain
Humare paas yehi kuchh maal dard ka hai
Yahin kahin mere andar koi tadapta hai
Yahin kahin pe koi yarghamaal dard ka hai
Isi liye to hamein ajz ka qareena hai
Humari zaat mein jah-o-jalaal dard ka hai
Hai maar rakhne ke dar paye teri masihaai
Jo dauDa phirta hai man mein ghazal dard ka hai
Wahin kahin kisi ghati mein tera hijr bhi hai
Mere lahoo se jahan ittesaal dard ka hai
Nafas nafas pe pade aablon se lagta hai
Na jaane rooh mein kab se ubaal dard ka hai
Yehi to farq hai in mein aur aap mein Farhatؔ
Kisi ko apna kisi ko khayaal dard ka hai
Kisi ne poocha ke Farhatؔ bahut haseen ho tum
To muskura ke kaha sab jamaal dard ka hai