وسعتیں محدود ہیں ادراک انساں کے لئے — آواز: ملک | شاعر: سیماب اکبر آبادی
مقرر / سپیکر
وسعتیں محدود ہیں ادراک انساں کے لئے
وسعتیں محدود ہیں ادراک انساں کے لئے
ورنہ ہر ذرہ ہے دنیا چشم عرفاں کے لئے
اے خزاں تو شوق کے سارا چمن برباد کر
چند پھانسیں چھوڑ جا میری رگ جاں کے لئے
دور پہونچیں شہرتیں رفتار سحر آثار کی
کھل گئے رستے ترے حسن خراماں کے لئے
پھول گلشن کے نہیں تو خاک صحرا ہی سہی
کچھ نہ کچھ تو چاہئے تسکین داماں کے لئے
اس لئے دیتا ہوں دل تم کو کہ لو اور بھول جاؤ
میں نے اک تصویر دی ہے طاق نسیاں کے لئے
دھجیاں اڑنے کو اے سیمابؔ وسعت چاہئے
ہے کوئی میدان آشوب گریباں کے لئے
شاعر: سیماب اکبر آبادی
آواز: ملک
Wusatein mahdood hain idraak insaan ke liye
Wusatein mahdood hain idraak insaan ke liye
Warna har zarra hai duniya chashm-e-irfaan ke liye
Aye khizaan tu shauq ke sara chaman barbaad kar
Chand phaansen chhod ja meri rag-e-jaan ke liye
Dur pahunchin shohratein raftaar-e-sehar aasar ki
Khul gaye raste tere husn-e-kharamaan ke liye
Phool gulshan ke nahin to khaak-e-sehra hi sahi
Kuchh na kuchh to chahiye taskeen-e-daaman ke liye
Is liye deta hoon dil tum ko ki lo aur bhool jao
Main ne ik tasveer di hai taaq-e-nisyaan ke liye
Dhajjiyan udne ko aye Seemaab wusat chahiye
Hai koi maidan-e-ashob-e-garebaan ke liye